Бүген ― Открыткалар көне
25 мартта Россиядә почта открыткасының туган көне билгеләп үтелә. Бүген почта җибәрүенең бу төре яңадан популярлаша. Открыткалар котлау яки кыска хәбәрләр өчен кулланыла. Һәркем тематика буенча һәм тормышның теләсә нинди очрагына открытка таба ала. Шул ук вакытта әзер открытканы сатып алу мәҗбүри түгел.
Почта сайтында хәзер индивидуаль открыткалар төзергә һәм аларны хәтта Россиянең иң ерак төбәкләренә дә җибәрергә мөмкин. Сервис бәхетле мизгелләр белән уртаклашырга, дөньяның теләсә кайсы почмагыннан якыннарны котларга ярдәм итәчәк.
Россия-посткроссинг хәрәкәтенең актив катнашучысы. Бу халыкара проект, ул төрле илләрдән кешеләргә открыткалар алмашырга мөмкинлек бирә. Төп идея шунда: проектта катнашучылар системада теркәлгән очраклы адресатка юлламалар җибәрәләр. Хәрәкәт 2005 елда барлыкка килде һәм дөньяның 200дән артык иленнән катнашучыларны берләштерә. Россия гадәттәгечә системада теркәлгән посткроссерлар саны һәм җибәрелгән открыткалар саны буенча алдынгы позициядә тора.