Язгы томау: аллергияме әллә ОРВИМЫ?
Язгы аллергик томау (поллиноз, латинча pollen – «серкә») барлыкка килгәч, еш кына мондый сорау туа: аның салкын тию түгеллеген ничек аңларга? Поллиноз җил белән серкәләнүче үсемлекләрнең серкәгә сизгерлеге арту белән бәйле, бу исә гистамин чыгаруга һәм аллергия симптомнары үсешенә китерә.
Поллиноз билгеләре-борынның лайлалы бүлендекләре, өянәксыман төчкерү (ун һәм аннан да күбрәк тапкыр); кычыту һәм күз кабаклары кызару, күз яшьләре агу. Тире кычыту, тамак кычыту, йөткерү, буу приступлары да булырга мөмкин.
Симптомнар кинәт, урамга чыккач, бүлмәне җилләткәч барлыкка килә яки көчәя. Аларның дәвамлылыгы чәчәк ату активлыгына, явым-төшемнәргә, җил тизлегенә бәйле (күренешләре коры һәм җилле һава торышында көчәя һәм яңгырлы һава торышында кими).
Симптомнар башка климат зонасына күчкәндә юкка чыга, глюкокортикостероидлар һәм антигистамин препаратлар кабул иткәндә кими.
Поллиноз еш кына яшьләрдә нәселдән килгән аллергия авыруларына бирешүчәнлек белән беренче тапкыр барлыкка килә һәм аллергия риниты, бронхиаль астма, атопик дерматит белән яраша. Еш кына үсемлекләрдән ясалган даруларга һәм косметикага аллергия күзәтелә.
Серкә һәм азык аллергеннарының структуралары охшаш булу сәбәпле, азыкка үзара аллергик реакцияләр күзәтелә (мәсәлән, каен серкәсенә аллергия булганда алма, абрикос, чикләвекләргә реакция булырга мөмкин). Мондый симптомнар чәчәк ату чорында да, ел әйләнәсендә дә чагылырга мөмкин.
ОРВИ симптомнары акрынлап, еш кына салкыннан соң яки авыру белән контакттан соң барлыкка килә. Симптомнарның дәвамлылыгы-14 көннән артык түгел. Ринит тамак, мускул авыртуы, хәлсезлек, аппетит кимү, температура күтәрелү белән бергә бара. Күз яшьләре агу ихтималы озакка сузылмый, авыруның беренче ике-өч көнендә. Борыннан чыккан бүлендекләр акрынлап куера.
Озакка сузылган салкын тию, аның авыр агымы вакытында ЛОР-табибка яки аллергологка мөрәҗәгать итәргә кирәк. Авыруның сәбәбен вакытында ачыклау һәм симптомнарны контрольдә тотарга, авыруның авыр барышын һәм катлауланулар үсешен кисәтергә ярдәм итә торган терапия үткәрү мөһим.