Балигъ булмаган балаларныкы булган күчемсез милекне сатудан кергән керемнәрне декларацияләргә онытмагыз.

Күчемсез милекне сатудан алынган керемнәр (фатирлардагы өлешләрне дә кертеп), хәтта милекче балигъ булмаган бала булса да, гомуми нигезләрдә НДФЛ салынырга тиеш. Аны сатканда барлык салым йөкләмәләрен аның законлы вәкилләре — ата-аналар, уллыкка алучылар, опекуннар яки попечительләр башкара. 

Нәкъ менә алар милекне сатудан кергән керемнән НДФЛ түлиләр, бала исеменнән 3-НДФЛ формасы буенча декларация тутыралар һәм салым инспекциясенә тапшыралар. Бу кагыйдә хуҗасының яшенә бәйсез рәвештә эшли — хәтта милек кечкенә баланыкы булса да.

Фатирдагы өлеш биш елдан артык милектә булган һәм ата-аналар күчемсез милектәге өлешләрен торак шартларын яхшырту өчен саткан һәм 18 яшькә кадәр яки 24 яшькә кадәр көндезге укуда ике яки аннан күбрәк баласы булган очракларда гына декларация тапшыру таләп ителми. 

 Милекнең билгеләнгән срогы азрак булган мөлкәтне сатканда НДФЛга алынган керемнең тулы суммасы салынмый. Салымны исәпләгәндә, раслаучы документлар булганда, күчемсез милек сатып алуга факттагы чыгымнарны исәпкә алырга мөмкин. Яки тулы бер фатирга 1 млн сум күләмендә милек салымыннан тотып калу, сумма бала өлешенә пропорциональ. Әгәр сатып алганда ана капиталы файдаланылган булса, чыгымнар барлык милекчеләрнең өлешләренә пропорциональ рәвештә бүленә.

3-НДФЛ декларациясен 30 апрельгә кадәр тапшырырга, декларациядә исәпләнгән салымны 15 июльгә кадәр түләргә кирәк. Декларацияне тутырырга һәм салым инспекциясенә "Физик затлар өчен салым түләүченең шәхси кабинеты" сервисы аша җибәрергә уңайлырак