Татарстанда төбәк әһәмиятендәге комплекслы кадастр эшләренә керештеләр
Федераль һәм төбәк әһәмиятендәге комплекслы кадастр эшләре нәтиҗәсендә 120 меңгә якын күчемсез милек объектының чикләре төгәлләштереләчәк
Исегезгә төшерәбез, элегрәк Татарстан Росреестры шулай ук федераль әһәмияттәге Комплекслы кадастр эшләре (алга таба-ККЭ) башлануы турында хәбәр иткән иде.
ККЭ барышында инде төбәк әһәмиятендәге 24,4 меңнән артык күчемсез милек объектының чикләре төгәлләштереләчәк. Барлыгы 68 Кадастр кварталы Казанда һәм республиканың 11 районында булачак: Агерҗе, Бөгелмә, Буа, Биектау, Алабуга, Зеленодольск, Кукмара, Лаеш, Нурлат, Саба, Теләче.
ККЭ регионнарны үстерүгә юнәлдерелгән «пространство мәгълүматларының милли системасы» дәүләт программасы кысаларында уздырыла. Төбәк әһәмиятендәге ККЭ заказчысы-Татарстан Республикасы Җир һәм мөлкәт мөнәсәбәтләре министрлыгы, башкаручысы - «Роскадастр»ның Татарстан Республикасы филиалы.
ККЭнең максаты-төзелеп бетмәгән объектларның җир кишәрлекләре, биналары, корылмалары чикләренең урнашу урынын ачыклау, алар турында мәгълүматлар Бердәм дәүләт күчемсез милек реестрына кертелә. Моннан тыш, мәгълүматларны эшкәртү барышында реестр хаталары төзәтелә.
Федераль һәм төбәк әһәмиятендәге ККЭ исемлегендә булган һәм аларга карата әлеге эшләр агымдагы елда башкарылачак кадастр кварталлары территорияләрендә урнашкан күчемсез милек объектларының хокук ияләренә «Госуслуги» порталы аша тиешле белдерүләр җибәрелде. Югарыда күрсәтелгән исемлек белән Татарстан Росреестрының рәсми сайтында «кадастр исәбен алу - Комплекслы кадастр эшләре» бүлегендә танышырга мөмкин.