Музыка пульсында мәктәп укучылары үз вокаль-инструменталь ансамбльләрен оештырдылар

Гитарачылар остазы Сергей Восканянның берничә ел элеккеге чыгарылышыннан берничә яшүсмер егет  тагын да “зурдан куптылар” – мәктәп вокаль-инструменталь ансамбле оештырдылар.

Лицей-интернат укучылары Азат Әбелханов һәм Рамил Корбанов ачылып сөйләшкәннән соң, икесе дә бер нәрсә турында хыялланганнарын аңладылар – вокаль-инструменталь ансамбль оештырсаң, ничек шәп буласы иде! Азат музыка белән кечке-нәдән “саташа” – дүрт яшендә уенчык гитарада “уйнап”, “Любэ” ансамбленең репертуарын җырлап бирә иде. Унбер яшендә Сергей Завеновичтан гитара дәресләре ала башлады. Ике атна йөрдеме, гитарачылар коллективы белән беренче чыгыш ясады. Аннары дүрт ел буе бер дәресне дә калдырмыйча әлеге уен коралында уйнарга өйрәнде. 

Укучылар хыяллары турында лицей-интернат директоры Әлфир Вәлитовка сөйләделәр. Ә ул, шуны гына көткән кебек, шул көн-не үк булачак ансамбль өчен уен кораллары турында кайгыртырга кереште. Азат өйдән электр гитарасын алып килде. Мәктәп-нең синтезаторын да жәл-ләп тормадылар, директор кайдандыр барабаннар юнәтте – яшь музыкантлар шөгыльләнсеннәр генә. Әлбәттә, яшьләрнең – яшьләрчә. Февраль аенда оешкан ансамбльне “Pulse of Music” дип атадылар, димәк, музыка пульсында. 

Беренче репетицияләрне дә шунда ук башладылар. Берсе чит ил музыкасына мөкиббән, икенчесе “Lumen” ансамбле фанаты, фәлсәфи темага җырлар ярата. Ләкин уртак тел таптылар – бәйрәмнәрдә, кичәләрдә чыгыш ясаганда репертуарга һәр музыкантның яраткан җырларын кертәләр. 

Репетицияләр җәйге каникул вакытында да туктап тормады. Ансамбльгә тагын бер сәләтле егет Рафаэль Мөхәммиев кушылды. 

 Әлбәттә, “үз сокларында кайнаган” яшүсмерләргә әлегә нәрсәгә ирешкәннәрен бәяләү кыен. Хәер, Азатның әнисе, үзе дә музыка белгече Миләүшә Әбелханова аларның тән-кыйтьчесе ролендә – ки-ңәш бирә, кайчак шелтәли дә. Ансамбльнең җәй көне концерт куярга теләвенә дә азрак каршы килде – тыңларлармы, аңларлармы? 

Егетләр дә үзсүзле булып чыктылар август аенда Ял үзәгендә ике “сольный” концерт бирделәр. Тамашачылар да килде, алкышладылар да, “контакт”та дуслар бермә-бер күбәй-де, бигрәк тә кызлар язалар. 

Язманы тәмамлап, ансамбльгә иҗат уңышлары һәм яңа концертлар, күп тамашачылар теләп калабыз.