Татарстанда табигатьне саклау прокуроры таләбе буенча предприятие су агызу объектында ремонт эшләре оештырган.

 Татарстанда табигатьне саклау прокуроры таләбе буенча предприятие су агызу объектында ремонт эшләре оештырган. Казан районара табигатьне саклау прокуратурасы тарафыннан табигатьне саклау законнарының үтәлеше тикшерелде. Казан шәһәренең Гавриил Державин урамы янәшәсендә канализация-насос станциясен эксплуатацияләүче предприятие тарафыннан су агызу объектын тиешенчә эксплуатацияләмәү нәтиҗәсендә агып төшүче суларның җирлек рельефына агып төшүе ачыкланган. Прокурор карары буенча предприятиенең вазыйфаи заты РФ Административ хокук бозулар кодексының 8.1 ст. (Шәһәр төзелеше эшчәнлеген гамәлгә ашырганда һәм предприятиеләрне, корылмаларны яисә башка объектларны эксплуатацияләгәндә экологик таләпләрне үтәмәү) буенча административ җаваплылыкка тартылды, штраф рәвешендә җәза билгеләнде. Закон бозуларны бетерү максатында табигатьне саклау прокуратурасы предприятие җитәкчесенә күрсәтмә кертте. Прокурор йогынтысы актын карау нәтиҗәләре буенча предприятие тарафыннан су агызу объектын ремонтлау эшләрен оештыру буенча чаралар күрелде, вазыйфаи зат дисциплинар җаваплылыкка тартылды.