2025 ел башыннан Татарстан Росреестрына күчемсез милекне рәсмиләштерү өчен 240 меңгә якын гариза кергән
Агымдагы елның 5 аенда Татарстан Республикасы буенча Росреестр идарәсенә күчемсез милек объектларына карата исәпкә алу-теркәү гамәлләрен башкаруга 240 меңгә якын гариза кергән. Шулардан:
- хокукларны теркәүгә - 185,5 мең.
- кадастр исәбенә -36,4 мең.
- бердәм процедурага (кадастр исәбенә һәм хокукларны теркәүгә) -18 мең.
Шул ук вакытта гражданнарның мөрәҗәгатьләрне дистанцион рәвештә бирү ысуллары белән кызыксынуы күзәтелә: узган елның шул ук чоры белән чагыштырганда электрон рәвештә гаризалар саны 12% ка - 142,4 меңнән 159,1 меңгә кадәр арткан.
Документларны карау нәтиҗәләре буенча күчемсез милек объектларына карата теркәлгән хокукларның, исәпкә алу гамәлләренең гомуми саны 380 мең тирәсе тәшкил итте, шул исәптән:
- торак урыннарга - 79,2 мең
- җир кишәрлекләренә-86,1 мең.
- машина урыннарына-4,7 мең.