Яшьләрнең үткән һәм хәзерге геройлар турындагы тарихлары Россия елъязмасының бер өлеше булачак

Ватанны саклаучылар истәлегенә багышланган «Бәйләүче җеп» Бөтенроссия тарихи-патриотик акция-конкурсы старт алды.

            Конкурска төрле әдәби формадагы эшләр кертелә: хикәяләр, эсселар, очерклар, шигырьләр һ.б. эшләр 1 июльдә проектның  связующаянить.рф  рәсми сайтында кабул ителә башлады һәм 2025 елның 15 октябренә кадәр дәвам итәчәк. Катнашучылар 8 яшьтән 23 яшькә кадәрге Россия гражданнары була ала. Катнашу бушлай.

    Проектны оештыручылар-РФ Иҗтимагый палатасы һәм РФ Мәгариф министрлыгы ярдәмендә «Яшьләр өчен» хәрәкәте һәм Ватан сугышчылары гаиләләре комитеты.

            Проектны Совет һәм Россия актеры, режиссер һәм сценарист Никита Михалков хуплады. Конкурсның жюри һәм эксперт советына танылган язучылар, күренекле мәдәният, сәнгать эшлеклеләре, медиа һәм башка җәмәгать эшлеклеләре кергән.

         Проект авторы-РФ Иҗтимагый палатасы әгъзасы, «Яшьләр өчен» хәрәкәте рәисе Евгений Мартынов. "Конкурста катнашучылар туганнары белән сөйләшү аша үз гаиләләренең һәм аларның геройларының тарихларын Бөек Ватан сугышы һәм МХО  контекстында яңадан аңлаячаклар, шулай ук буыннар арасындагы элемтәләрне ныгытачаклар, совет солдаты батырлыгына һәм МХОныңз  гамәлдәге катнашучыларына рәхмәт хисләрен белдерәчәкләр. Ул чагында да, хәзер дә бер көрәш бара бит — безнең җир өчен, яшәү хокукы өчен!"- дип билгеләде ул.

            Ватан сугышчылары гаиләләре комитеты җитәкчесе Юлия Белехова билгеләп үткәнчә, «Бәйләүче җеп» проекты үткәнне һәм хәзерге заманны тоташтыра - бу геройларның берсе дә онытылмасын, ә тарихны беркем дә һәм беркайчан да яңадан яза алмасын дигән өндәмә. "Геройлар бүген бар, бигрәк тә  МХО уздыру зонасында, әмма герой булырга монда да мөмкин. Уртак җиңү өчен син бүген нәрсә эшлисең, нәрсәгә әзер һәм нәрсәдән файдалы була аласың дигән сорауга үз-үзеңә җавап бирергә кирәк", - дип ассызыклады ул.

            Конкурсның Жюри рәисе, РФ Иҗтимагый палатасы сәркатибенең беренче урынбасары, Россия Герое Вячеслав Бочаров сүзләренчә, «Бәйләүче җеп» — яшьләргә тарихи хакыйкатьне аңларга һәм үзләренең җиңүчеләр илендә яшәвен аңларга ярдәм итә торган якты патриотик проектларның берсе.

            Проект Россия Федерациясе Президентының Мәдәни инициативалар фонды биргән грантын файдаланып гамәлгә ашырыла.

            Конкурста җиңүчеләр истәлекле дипломнар, кыйммәтле бүләкләр алачак, шулай ук аларны жюри һәм эксперт советы әгъзалары белән шәхси аралашу көтә. Иң яхшы эшләр «Бәйләүче җеп» йомгаклау җыентыгында бастырылачак. Бүләкләү тантанасы 2025 ел ахырында Мәскәүдә узачак.