Электр белән тәэмин итүдә өзеклекләр булмасын өчен «Сетевая компания» вакытлыча хуҗасыз 135 энергообъектны контрольгә алды
«Сетевая компания» АҖ вакытлыча хуҗасыз 135 энергообъектка, шул исәптән 47,7 км электр тапшыру линиясен һәм суммар куәте 11,7 МВА булган 55 трансформатор подстанциясен техник һәм оператив хезмәт күрсәтүгә алган. Милекчесе булмаган яки хуҗалары баш тарткан бу объектлар хәзер хуҗасыз дип тану һәм челтәр оешмасына тапшыру буенча суд процедуралары тәмамланганчы компания "күзәтүе" астында тора. Мондый карар әлеге челтәрләргә тоташтырылган меңләгән кулланучыларны электр белән тәэмин итүне бозу куркынычын булдырмый калырга мөмкинлек бирде.
Хуҗасыз энергия объектларына хезмәт күрсәтүгә кабул итү «Сетевая компания» АҖ яңа федераль кануннар нигезендә система барлыкка китерүче территориаль челтәр оешмасы (СТСО) статусын алганнан соң мөмкин булды. Хәзерге вакытта компания белгечләре әлеге объектларның ышанычлы эшен тәэмин итү өчен кирәкле ремонт эшләрен башкарып, тәүлек буена мониторинг һәм эксплуатацияләүне тәэмин итәләр. Юридик процедуралар тәмамланганнан соң барлык кабул ителгән объектлар реконструкцияләнә һәм модернизацияләнә, бу аларны энергия куркынычсызлыгының заманча стандартларына туры китерергә мөмкинлек бирәчәк.
Параллель рәвештә компания мондый объектларны ачыклау һәм аларны үз контроленә күчерү эшен дәвам итә. 2023 елдан «Сетевая компания» АҖ милкенә 143 энергообъект тапшырылган инде, шул исәптән 58,8 км ЛЭП һәм гомуми куәте 18,2 МВА булган 55 трансформатор подстанциясе. Хуҗасыз объектларны система барлыкка китерүче челтәр компанияләре идарәсенә тапшыру энергия объектларын эксплуатацияләү өчен җаваплы милекче булмаган, әмма кулланучылар әлеге челтәрләр аша электр энергиясен алуларын дәвам иткән хокукый җитешсезлекләрне бетерергә мөмкинлек бирә. Челтәр хуҗалыгын берләштерүнең мондый практикасы төбәкнең энергия системасында электр белән тәэмин итүнең ышанычлылыгын арттыруга һәм аварияләрне киметүгә юнәлдерелгән бердәм техник сәясәт уздырырга мөмкинлек бирә.