Буада күзәтүчесез калган хайваннарны кайтару тыелган урыннар исемлеге расланды

Татарстан Республикасы Буа шәһәре Башкарма комитеты муниципаль район территориясендә караучысыз калган хайваннар белән мөгамәлә итүне регламентлаштыручы 36 нчы карар кабул итте.

Хайваннар белән җаваплы мөгамәлә итү турындагы Федераль законнар нигезендә, Буада хайваннарны аулаганнан һәм стерильләштергәннән соң хуҗаларыннан башка кайтару тыела торган урыннар исемлеге расланды. Исемлеккә керделәр:

    • мәйданнарны, урамнарны, паркларны һәм скверларны да кертеп, гомуми файдаланудагы территорияләр;

    • күпфатирлы йортларга якын территорияләр;

    • балалар өчен уен һәм спорт мәйданчыклары;

    • массакүләм чаралар уздыру урыннары;

    • мәгариф һәм дәвалау учреждениеләре территорияләре;

    • мәдәният объектлары, җәмәгать туклануы оешмалары һәм кибетләр янындагы территорияләр.

Документ шулай ук күзәтүчесез калган хайваннарны элеккеге яшәү урыннарына кайтару турында карарлар кабул итәргә Буа шәһәре Башкарма комитеты җитәкчесе вәкаләтле булуын билгели.

Бу чара халыкның иминлеген тәэмин итүгә һәм шәһәрдә санитар-эпидемиологик хәлне яхшыртуга юнәлдерелгән.