Татарстан Росреестры милекчеләргә БДКМРда үзләренең күчемсез милке турындагы белешмәләрне тикшерергә киңәш итә
Тиздән, 2025 елның 1 декабрендә, милек салымнарын түләү вакыты тәмамлана. Моңа бәйле рәвештә Татарстан Республикасы буенча Росреестр идарәсе гражданнарга, шик булган очракта, үз күчемсез мөлкәт объектлары буенча мәгълүматны төгәлләштерергә киңәш итә. Барлык күчемсез милек объектларының дөрес исәпкә алынуына берничә минут эчендә онлайн режимда инанырга мөмкин.
Моның өчен БДКМРда үзегезнең күчемсез милек исемлеген карагыз. Моны Дәүләт хезмәтләре порталында яки Росреестр сайтында шәхси кабинет аша эшләргә мөмкин.
Аны Россия Федераль салым хезмәте сайтындагы «милек» бүлегендәге салым түләүченең шәхси Кабинетындагы мәгълүматлар белән чагыштырыгыз. Шул ук вакытта һәр объектның характеристикасына игътибар итегез: төренә, адресына, мәйданына, кадастр номерына, кадастр бәясенә һ. б.
Әгәр объектларның исемлекләре һәм аларның характеристикалары туры килә икән, димәк, барысы да дөрес исәпкә алынган. Әгәр аерымлыклар ачыкланса (мәсәлән, шәхси кабинетларның берсендә икенчесендә булмаган объект күрсәтелә яки объект характеристикалары аерыла), тиешле гариза бирергә кирәк:
- БДКМРда мәгълүматларны төзәтү өчен-Росреестр сайты яки дәүләт хезмәтләре порталы аша.
- Салым органындагы мәгълүматларны актуальләштерү өчен-турыдан-туры салым түләүченең шәхси кабинеты аша.