«Сетевая компания» АҖ Яшел Үзән хакимият органнары һәм бизнес вәкилләре белән сакчыл җитештерү тәҗрибәсе белән уртаклашты
«Сетевая компания» АҖ Яшел Үзән муниципаль берәмлегенең депутатлар корпусы һәм бизнес-бергәлеге вәкилләренә Идел буе электр челтәрләренең Яшел Үзән РЭСы мисалында Сакчыл җитештерү системасын кертүнең уңышлы тәҗрибәләрен күрсәтте.
Идел буе электр челтәрләре җитәкчесе Андрей Бусыгин һәм Яшел Үзән РЭС башлыгы Илнар Шаһвәлиев үткәргән экскурсия барышында кунаклар 5S методологиясе буенча эш киңлеген рациональ оештыру, җитештерү биналарында визуальләштерү һәм стандартлаштыру, технологик операцияләрне оптимальләштерү, шулай ук складларда саклау һәм логистика буенча нәтиҗәле чишелешләр мисаллары белән таныштылар.
Экскурсиядән соң катнашучылар «Энергия» җитештерү системасы кысаларында Яшел Үзән РЭС казанышлары турында фикер алыштылар, тәҗрибәне тиражлау мәсьәләләрен карадылар һәм бизнес, хакимият органнары һәм энергетиклар арасында алга таба хезмәттәшлек перспективаларын билгеләделәр.
Чара Яшел Үзән муниципаль берәмлегендә Сакчыл җитештерү культурасын алга таба үстерүгә нигез салды һәм төбәкнең икътисадый процессында төп катнашучылар арасында партнерлык элемтәләрен ныгытты.
«Сетевая компания» АҖ инде 11 ел Сакчыл җитештерү фәлсәфәсен тота, сизелерлек икътисадый нәтиҗәләргә ирешә. Эшләгән елларында компания хезмәткәрләре яхшырту буенча 175 мең тәкъдим һәм 2 меңнән артык проектны гамәлгә ашырган. Бу 2 миллиард сумнан артык икътисади файда китерде.
2022 елдан компания чит оешмалар өчен «Сакчыл җитештерү нигезләре» махсус курсын үткәрә. Укыту программаларын Татарстан Республикасының 30дан артык компания-партнерлары, шул исәптән Апас, Актаныш һәм Лаеш районнары администрацияләре вәкилләре үтте, бу аларга сокр өчен Сакчыл җитештерү принципларын кертергә ярдәм итте.