Татарстанда шәхси катнашудан башка килешүләр төзүгә тыюлар саны ике тапкырга арткан
2025 елда Татарстан Республикасы буенча Росреестр Идарәсе тарафыннан Күчемсез милекнең Бердәм дәүләт реестрына (ЕГРН) шәхси катнашудан башка күчемсез милек белән алыш-бирешләр алып бару мөмкинлеге булмау турында 103,5 меңнән артык язма кертелгән. Чагыштыру өчен: бер ел элек ЕГРНга мондый язмалар 44, 7 мең иде.
Ведомствода искәртүләренчә, ЕГРНга мондый язманы керткәннән соң, хокук иясенең шәхси катнашыннан башка күчемсез милек объектына карата бирелгән барлык гаризалар каралмыйча кире кайтарыла. Игътибар! Әгәр күчемсез милек суд карары яки суд приставы-башкаручы таләбе буенча сатылса, тыю гамәлдә түгел.
"Шәхси катнашудан башка килешүләр төзүне тыю-элеккечә күчемсез милекне хокуксыз гамәлләрдән саклауның иң гади һәм ышанычлы ысулы. Бу механизм 2013 елда ук эшли башлаган, ләкин нәкъ менә узган елда, ачык сәбәпләр аркасында, гражданнар аңа элеккегә караганда ешрак мөрәҗәгать итә башлаган. Әйтик, 2025 ел нәтиҗәләре буенча Татарстанда шәхси катнашудан башка килешүләр төзүне тыюлар саны ике тапкырга арткан”, - дип билгеләп үтте Татарстан Росреестры җитәкчесе урынбасары Лилия Борһанова.
Килешүләрне теркәүне тыю турында гаризаны шәхси катнашудан башка Росреестр сайтындагы шәхси кабинетта, дәүләт хезмәтләре порталында яки МФЦда бирергә мөмкин. Тыю вакыты чикләнми һәм милекче аны төшерү турында тиешле гариза биргәнче гамәлдә була. Әлеге чикләү һәр күчемсез милек объекты өчен индивидуаль кулланыла. Шуңа күрә әгәр бер хуҗаның берничә күчемсез милек объекты булса, «пакетлы» килешүләрне бер үк вакытта барлык күчемсез милек объектларына карата тыюны билгеләү мөмкинлеге каралмаган.
ЕГРНга килешүләрне милекченең шәхси катнашыннан башка үткәрүне тыю турында белешмәләр керткән өчен дәүләт пошлинасы алынмый.