Буа муниципаль районы

“Бердәм Россия” партиясенең җирле бүлекчәсенә яңа әгъзалар сайладылар.

2013 елның 18 декабре, чәршәмбе

Узган җомгада “Бердәм Россия” Бөтенроссия сәяси партиясенең җирле бүлекчәсенең ХХ конференциясенең икенче этабы узды.
Анда партиянең ХIV съездының эш нәтиҗәләре, киләсе елга җирле бүлекчә алдына куелган бурычлар хакында сүз алып барды. “Яшь гвардия” Бөтенроссия иҗтимагый оешмасы штабы җитәкчесе Ксения Владимирова партия Уставына кертелгән яңалыклар белән таныштырды. Ул шулай ук яшьләрдә милләтара дуслык һәм толерантлык хисләре тәрбияләү, сәламәт яшәү рәвешен пропагандалаган акцияләрдә актив катнашу эшен тагын да киңрәк җәелдерергә кирәклеген белдерде.
Партияненң җирле бүлекчәсе секретаре, муниципаль район башлыгы Азат Айзетуллов районның социаль-икътисади торышы турында чыгыш ясады. Районда федераль һәм республика программаларына кертелгән күпфункцияле үзәкләр, спорт мәйданнары, фельдшерлык-акушерлык пунктларын, күпкатлы йортларны, балалар бакчаларын төзү һәм төзекләндерү тукталганы юк дип әйтеп узды.
-Киләчәктә яңа физкультура-сәламәтләндерү комплексын төзүне күздә тотабыз, - дип тә белдерде ул.
Конференция барышында яшерен тавыш бирү юлы белән партиянең җирле бүлекчәсе сәяси советына яңа кандидатлар – “Ак Барс-Мед” иминиятләштерү компаниясе” җәмгыятенең Буа районы һәм шәһәрендәге филиалы директоры Азат Әюпов, район мәгариф идарәсе начальнигы Илнар Абзалов сайландылар.
Рәсми чара бүләкләү тантанасы белән үрелеп барды. Азат Айзетуллов, бу юлы да традициядән читкә тайпылмыйча, партия составына керүчеләргә партия билетлары, җирле бүлекчәнең эшчәнлегенә зур өлеш кертүчеләргә һәм Ульяновск шәһәрендә һәм өлкәсендә узган каратэ-фудокан көрәшенең ачык беренчелеге призерларына бүләкләр тапшырды.

Оценить материал и/или оставить мнение

БАРЛЫК ЯҢАЛЫКЛАРНЫ УКУ