Буа муниципаль районы

Юл бирегез, Зәңгәр Ат килә!

2013 елның 26 декабре, пәнҗешәмбе

Бусагада торган Яңа елның талисманы һәм билгесе Зәңгәр агач Ат. Шунда ук күз алдына аның тыелгысыз ритмда “очуы” яисә элегант сикергәләп баруы килә. Ат энергияле, көчле, хезмәт яратучан хайван бит. Яңа ел хуҗасы эшчән, ихлас һәм гадел кешеләрне ярата. Ә аның зәңгәр төсе байлыкны арттырачак, агач элементы нык гаилә төзүгә, сәламәт балалар тууга, барлык мөнәсәбәтләрдә тотрыклылыкка ишарә.
Яңа ел узганына караганда тынычрак булырга ошаган. Астрологлар яңа юнәлешләрнең искеләреннән өстенлек алачагын искәртә, димәк, үзгәрешләргә каршы торырга кирәкми. Зәңгәр агач Ат идеяләрен тормышка ашыручыларны бүләкли, яңа ачышларга һәм уйлап табуларга юл ача. Бүгеннән үк яңа елда максатыгызга ирешергә әзерләнегез. Узган елда хәл ителмәгән иске проблемаларыгыздан арынырга җирлек туачак. Ләкин бу яңа катлауланулар булмый дигән сүз түгел. Ат кешеләрне запас энергияләрен һәм авырлыклар белән көрәштә көчләрен түгәргә мәҗбүр итәчәк. Конфликтлардан сакланыгыз, мәсьәләләрне сөйләшүләр белән хәл итегез, дипломант булыгыз. Ат елы шулай ук партнерлар белән мөнәсәбәтләрдә гармония һәм тулы аңлашучанлык алып киләчәк. Бу елда аңлашу тапкан гаиләләр бәхетле һәм озак яшәячәк.
Ел хуҗасының буш сөйләнүләрне җене сөйми, максатчан хәрәкәт итүне хөрмәт итә. Быел дөрес көч куйганда хезмәт карьерасында өскә күтәрелергә, җитәкчеләрнең игътибарын җәлеп итәргә мөмкин. Шулай ук сәламәтлек турында да онытмагыз. Иң яхшысы авыр нагрузканы гаилә даирәсендә ял белән алмаштыру.
Ат елында уңышка ирешү өчен дага сатып алыгыз (декоративны да мөмкин) һәм ишек өстенә элегез. Онытмагыз даганың “мөгезләре” өскә карарга тиеш, югыйсә уңышның “коелуы” бар.
Сәламәт булу өчен атларда еш утырып йөрегез. Әгәр атыгыз ак “оек” – берсен ал, икенчесен арт аягына – кигән булса тагын да әйбәт.
Яраткан кешегезне табу өчен кызыл кәгазьдән зур булмаган йөрәк кисегез. Шуның өстенә иелеп яратканыгызның исемен әйтегез. Аннары “йөрәкне” уенчык ат астына куегыз. Сөйгәнегезне Яңа елда ук табу ихтималы бар.
Акча китерсен дисәгез курантларның беренче сугуы астында сул учыгызга тәңкә салыгыз. Соңгыларын сукканда аны уң кулыгызга күчерегез, учыгызны каты итеп кысып уйларыгызда аттан яңа елда күп байлык китерүен сорагыз.
Хәерле еллар, сезгә!

Оценить материал и/или оставить мнение

БАРЛЫК ЯҢАЛЫКЛАРНЫ УКУ