Буа муниципаль районы

Яңа елдан яңа транспортта

2014 елның 8 гыйнвары, чәршәмбе

Ел башы “Авангард агрофирмасы белгечләренә зур сөенеч китерде – алар яңа УАЗ автомобильләренә ия булдылар.
Кайбыч машина-трактор паркында заводтан әле генә кайтарылган, күз явын алып торган өр-яңа биш транспорт каршында, агрофирма директоры Николай Курчаткин елның уңышлы төгәлләнүе уңаеннан механизаторларны, инженир-техник хезмәткәрләрне тәбрик итте, киләчәктә уңышлар теләде.
-Гыйнварның 17 сендә еллык эшкә йомгак ясалачак. Сезнең һәркайсыгызның уртак уңышка керткән өлешегез исәпкә алынды. Мактау грамоталары, кыйммәтле бүләкләр ияләрен көтә. 2014 елда игенчелектә дә, терлекчелек өлкәсендә дә зур бурычлар билгеләндә. Барыбыз да бер теләктә булып, булсынга дип эшләсәк, әҗере дә озак көттермәс,- диде бер уңайдан быел башкарылган хезмәтләрне барлап үтте. Агрофирма узган ел 27067 тонна ашлык, 58 мең тонна шикәр чөгендере җитештергән. Сөт продукциясе 1826,2 тоннада әзерләнгән. Кайбыч фермасы сыер савучылары узган ел һәр сыердан 7305 килограмм сөт саудылар.Ак продукция узган ел 2012 ел белән чагыштырганда 33 процентка артыграк әзерләнгән. Барысы 12629 тонна ит (шуның 12483,2 тоннасы дуңгыз ите) үстерелгән. Район буенча җитештерелгән итнең 83 проценты “Авангард”ка туры килә. Игенчелектә дә уңай үзгәрешләр күзәтелә. 2013 елда бөртекле-кузаклы культураларның һәр гектарыннан 28 центнер (район буенча 24,2), шикәр чөгендереннән 582 центнер (район буенча 468) уңыш алынган. Уҗым бодаеның һәр гектарыннан 33,4 центнер (район буенча 31,4) уңыш чыккан. 500 гектарда игелгән сояның һәр гектары 15,1 центнер уңыш биргән. Николай Григорьевич киләчәктә 200 сыерга исәпләнгән абзар һәм башка корылмалар төзү ниятләре булуын хәбәр итте. Муниципаль район башлыгы Азат Айзетуллов “Авангард”ның күп мәсьәләләрдә башка хуҗалыклар өчен үрнәк булып торуын әйтеп китте, тыңлап торучыларга районның 2014 елда терлекчелек, игенчелек, төзелеш һәм башка тармаклар буенча планнары, төзеләчәк обьектлар турында сүз алып барды. Ниһаять, тантаналы минутлар килеп җитте. Агрофирманың “Маяк” һәм “Үзәк” бүлекчәләре идарәчесе Илдар Шәрәфетдиновка “Нива”, “Таң”, “Новый путь” бүлекчәләре идарәчеләре Радик Мөхәммәтҗановка, Фәнис Тухбиевка “Авангард”ның үзенең средстволарына сатып алынган “УАЗ” Хантер”, эшчеләр ташучы Родион Теренинга “УАЗ” санитарка” автомобиль ачкычлары ташшырылды. ТР Президенты Рөстәм Миңнеханов махсус программасы нигезендә Кайбыч авыл җирлеге башлыгы Нияз Абдрахманов “Шевроле -Нива”автомобиленә ия булды. Белгечләргә яңа транспортларында үз хезмәтләрен алып бару тагын да уңайлырак булыр дип ышанырга кирәк.

Оценить материал и/или оставить мнение

БАРЛЫК ЯҢАЛЫКЛАРНЫ УКУ