Буа муниципаль районы

Сезгә тупланма өлеш кирәкме?

2014 елның 8 гыйнвары, чәршәмбе

Бүген Россиядә иң күп телгә алынучы темаларның берсе – пенсия турында – бүгенгесе һәм киләчәге хакында. Аларның берсе – хезмәт пенсиясенең тупланма өлешенә кагыла – аны бүгенге көн 6 процент күләмендә калдырыргамы, әллә страховкалау өлеше файдасына баш тартыргамы?
Бүген пенсиядә булучыларга бу нисбәттән борчылырга кирәкми, яңалыклар аларга кагылмый. Фаразларга караганда ул аларның финанс хәлен какшатмаячак. Ләкин бит әле пенсиягә кадәр эшлисе дә, эшлисе булган категория, ягъни булачак пенсионерлар армиясе бар. Нәкъ менә аларга – 1967 елда һәм соңрак туучыларга агымдагы ел ахырына кадәр пенсиягә кагылышлы мөһим карар кабул итәргә туры киләчәк. Аларның пенсиясенең страховкалау өлешеннән тыш тупланма өлеше дә бар, эш бирүче Пенсия фондына күчергән сумманың 6 проценты тупланма өлешкә “утыртыла” (сүз уңаеннан, алдан тупланма өлешне 2 процентка калдырып, 4 процентын страховкалау өлешенә бирү фаразланды). Аның белән идарә итүне я дәүләткә, я югарырак керемле дәүләтнеке булмаган пенсия фондына тапшырырга мөмкин иде.
Ә хәзер пенсиясенең тупланма өлешен дәүләт яки дәүләтнеке булмаган пенсия фонды карамагына күчерү турында бер тапкыр да гариза язмаган кешеләрнең, әгәр шул рәвешле дәшмәүне дәвам итсәләр, тупланма өлешен кыскартып, страховкалау өлешенә җибәрү турында сүз бара. Әгәр алар пенсиянең тупланма өлешенә, элеккечә, взносларның 6 проценты күчә барсын, дисәләр, 2015 елның 31 декабренә кадәр пенсия фондының җирле идарәсенә килеп гариза калдырырга тиешләр. Алдагы елларда “Внэшэкономбанк”ны да кертеп, бер генә тапкыр булса да идарәче компания яисә дәүләтнеке булмаган пенсия фондын сайлавы турында гариза язучыларның тупланма өлешенә 6 процент күчерелү дәвам итәчәк. Шул ук вакытта алар гариза язып тупланма өлештән баш та тарта алалар. Ә узган ел 2 процент тарифлы тупланма белән дәүләт идарәче компаниясен сайлап гариза китерүчеләр, дәшмәсәләр, 2014 елдан тупланма өлешсез калдырылалар. Аның хисабына страховкалау өлеше күбәячәк. Әгәр бу категория 2014-2015 еллар эчендә дәүләтнеке булмаган пенсия фондын сайлау турында гариза бирсәләр, тупланма өлешләре 6 процент күләмендә формалаштырылу дәвам итә.
Быелның 1 гыйнварыннан пенсия страховкалау взнослары исәпләнүчеләр беренче 5 ел дәвамында 6 процентны пенсиянең кайсы өлешен формалаштыруга җибәрәчәкләрен үзләре хәл итәләр. Билгеле карарга килгәнче 6 процент страховкалау өлешендә туплана.

Оценить материал и/или оставить мнение

БАРЛЫК ЯҢАЛЫКЛАРНЫ УКУ