Буа муниципаль районы

Кышкы боз да ышанычлы түгел

2014 елның 9 гыйнвары, пәнҗешәмбе

Кыш үз көченә кереп, елга-күлләр боз белән капланырга өлгермәде, балыкчылар аларда бәкеләр тишә башладылар. Кызганычка каршы, кышкы сулыклар да куркыныч коткаручылар өчен соңгы елларда бер генә сезонның да җитди хәлләрсез узганы юк. Бигрәк тә Идел елгасында.
Шуңа да бозга чыгар алдыннан истә тотарга кирәкле кагыйдәләрне искә төшерәсе килә. Беренчесе: аерым җәяүле өчен бозның калынлыгы 5 сантиметрдан, төркем өчен 7-12 сантиметрдан да ким булмаска тиеш. Җиңел автомобиль белән бу күрсәткеч иң кимендә 25 сантиметр тәшкил иткәндә генә бозга керергә була. Икенчесе: боз юка һәм куркыныч булган урыннарны – инеш төрле сулар агып төшкән, кар көртләре күп булган, куаклар, камыш үскән, агым көчле булган җирләрне читләтеп үтәргә кирәк. Өченчесе: бозга ялгызыгыз гына чыкмагыз. Бәла килгән очракта яныгыздагылар ярдәмгә ашыгачак. Һәр соңгысы. Кышкы аяз, җылы һәм кояшлы көн санаулы минутлар эчендә кар-буранлыга әверелергә мөмкин. Бу инде сәламәтлегегез һәм гомерегез өчен куркыныч дигән сүз. Буа районы кешеләренең дә шундый бозык һава торышында адашып еракка китү очраклары булды. Аларны эзләүгә эзләү-коткару отряды гына түгел, җәмәгатьчеләр дә, янгын частьләре, эчке эшләр органнары, кече суднолар буенча дәүләт инспекция хезмәткәрләре, хәтта кар чистарту техникасы һәм авиация дә җәлеп ителде. Моңа юл куймас өчен зур сулыклар бозына чыкканда тулы зарядкалы кесә телефоны алырга, аны эчке кесәгә салырга онытмагыз. Шулай ук шырпы һәм компас булса да яхшы. Алар ярдәмендә үзегезне эзләү вакытын күпкә кыскарта алачаксыз.
Алда озын кышкы еллар. Бозда сак булыгыз, балаларны үзләрен генә кышкы сулыкларга җибәрмәгез.

Оценить материал и/или оставить мнение

БАРЛЫК ЯҢАЛЫКЛАРНЫ УКУ