Буа муниципаль районы

Терлекчелектә ике айлык нәтиҗәләр

2014 елның 14 марты, җомга

Барлык тармакларда да узган елгы күрсәткечләрне саклап калып булмый һәм бер үк шартларда эшләгән хуҗалыкларда алар төрлечә.
Мөгезле эре терлекләрнең баш саны узган ел дәрәҗәсендә – 22640 баш тәшкил итә. Аларны “Бола” агрофирмасы 51, “АгроНур” җәмгыяте -59, “Авангард” агрофирмасы - 91, “Нива” (3 филиал) – 100, “Дружба” (2 филиал) – 136, “Тахаръял” (1 филиал) 226 башка ишәйттеләр. Ә менә “Алан” җәмгыятендә малларны 15, “Урожай” җәмгыятендә - 57, “Вамин-Буа” агрофирмасында 483 башка киметүгә юл куйдылар. “Авангард”та дуңгызлар исәбе 63057 башка тиң булды.
Ике айда 1845 баш бозау (узган елның шушы чорына караганда 37 башка кимрәк), 19005 (272 башка күбрәк) дуңгыз баласы туды. “Кыят”та, “Авангард”та, “Нива”да бозауларны үткән елга караганда 21-56 башка күбрәк алдылар. Шул ук вакытта “Вамин-Буа”да, “Тахаръял”да, “Дружба”да алар 32-39 башка азрак туды.
Җитештерүдә дә “чуарлык” зур. Отчет чорында тулаем 50140 центнер (1792 центнерга кимрәк), бер сыердан уртача 840 килограмм ( 9 килограммга кимрәк) сөт савып алынды. “Авангард”, “Нива”, “Дружба”, “Бола”, “Кыят” җитештерү күләмен 102-118 җиткерделәр. Үткән елгы нәтиҗәләрен “АгроНур” 93, “Вами-Буа” 84 процентка кадәр киметтеләр. “Алан” җәмгыятендә ул нибары 27 процентка гына калды. Бер сыердан продукция алуга килгәндә, лидерлык “Коммуна”да. Биредә үәр сыердан уртача 1397 килограмм сөт саудылар. “Кыят”та әлеге күрсәткеч 1066, “Дружба”да -1107, “Авангард”та – 1140, “АгроНур”да – 1169, “Ямбулат”та 1176 килограммга тиң булды. Ә менә “Алан”да 300, “Вамин-Буа”да һәм “Бола”да 600 килограммга да тулмады.
Ике айда район терлекчеләре 24925 центнер ит (1829 центнерга кимрәк), шул исәптән 4731 центнер сыер (132 центнерга кимрәк), 20194 центнер дуңгыз ите (1697 центнерга кимрәк) хәстәрләделәр. Сыер ите әзерләүне “Коммуна”, “Вамин-Буа”, “Дружба” 101, “Ямбулат” - 103, “Кыят” - 111, “Авангард” 121 процентка арттырдылар. “Алан”, “Бола”, “АгроНур”, “Нива”, “Тахаръял” - ит җитештерүне киметүчеләр исемлегендә. Ит җитештерү турыдан-туры артым алуга бәйле. Ике айда мөгезле эре терлекләрнең һәрберсеннән уртача 696, “Авангард”та дуңгызлардан 622 грамм тәүлеклек үсеш алдылар. Эре мал буенча да иң зур артым “Авангард”та – 824 грамм. “Коммуна” белән “Ямбулат”та да ул 800 граммнан артык. 700 граммлы чикне “АгроНур”, “Кыят”, “Дружба” уздылар. “Вамин-Буа”да, “Нива”да, “Тахаръял”да, “Бола”да, “Алан”да артым районның уртача күрсәткеченнән кимрәк булды.
Ике ай эчендә 108 баш мөгезле эре терлек (узган ел дәрәҗәсендә), 1340 баш дуңгыз (394 башка кимрәк) үлде. Малларның сакланышын тәэмин итүдә “Авангард”, “Кыят” “АгроНур” яхшы, “Нива”, “Тахаръял”, “Дружба”, “Вамин-Буа” начар эшләделәр.

Оценить материал и/или оставить мнение

БАРЛЫК ЯҢАЛЫКЛАРНЫ УКУ