Буа муниципаль районы

Чемпион буласың киләме

2014 елның 14 марты, җомга

“IT-чемпион” конкурсы быел да дәвам итәчәк. Мәктәп укучылары ярдәмендә республикада электрон хезмәтләр порталыннан файдаланучылар санын арттыруга корылган бәйгедә узган ел 3 меңнән күбрәк укучы катнашты. Өч этапта да призлы урыннар яулаудылар.
Быел бәйгене уздыру кагыйдәләре үзгәрде.
Беренче аерма – “IT-чемпион” бәйгесе ике этапта гына уздырылачак. Ул иртәгә башланып китә һәм ел азагына кадәр дәвам итә. Конкурсның беренче өлешенә май, икенчесенә декабрь ахырында нәтиҗәләр ясалырга тиеш.

Быелгы бәйге җиңүчеләренә узган елдагы кебек iPad лар түгел, ә яхшы ноутбуклар тапшырылачак. Чара кысаларында барлыгы 306 мәктәп укучысын ноутбуклы итү каралган.

Быелгы бәйгенең тагын бер мөһим үзенчәлеге - “Татарстанның дәүләт һәм муниципаль хезмәтләр порталын камилләштерү” темасына багышланган иҗади бәйге урынына “Иң актив мәктәп” номинациясе өстәлә. Бу, беренче чиратта, халык арасында электрон хезмәтләр порталын популярлаштыру эшчәнлегенә ата-аналарны гына түгел, ә укытучыларны да тарту максатын күздә тота. Җиңүче дип табылган мәктәпләр исә интерактив җиһазлар комплекты һәм мобиль сыйныфлар белән бүләкләнәчәк.

Конкурсның бу өлешенә нәтиҗәләр ел ахырында ясалачак.
“IT-чемпион” бәйгесендә җиңү яулаган мәктәпләр саны шактый күп булачак. Андрей Поминов сүзләренә караганда, иң актив белем бирү учреждениеләре Татарстанның һәрбер районында ачыкланырга тиеш. Шулар арасынннан иң күп балл җыйган өч мәктәп абсолют җиңүче булып танылачак. Нәкъ менә алар югары технологияле уку-укыту җиһазларына ия булачак.
Сүз уңаеннан, агымдагы елда Татарстан халкына электрон рәвештә 40 миллионга якын дәүләт хезмәте күрсәтергә уйлыйлар. Ә 2018 елга барлык хезмәтләрнең 70 проценты интернет аша башкарылырга тиеш.

Оценить материал и/или оставить мнение

БАРЛЫК ЯҢАЛЫКЛАРНЫ УКУ