Барысы да үзебездән тора

Шәһәр, авыл җирлекләре территорияләрендә тышкы төзекләндерү кагыйдәләрен үтәү, чисталык саклау һәм тәртип булдыру кирәклеген исегезгә төшерәбез.
 Кагыйдәләр бу өлкәдә гражданнар, вазифаи һәм юридик затлар, шәхси эшмәкәрләр тарафыннан үтәлергә тиешле бердәм һәм мәҗбүри таләпләрне билгели. Әлеге кагыйдәләрне бозган өчен административ җаваплылыкка тарту каралган. ТР Административ хокук бозулар турындагы кодексның 3.6 маддәсенең 1 бүлеге буенча гражданнарга 2дән 5 мең сумга кадәр, вазифаи затларга - 15тән 30 мең сумга кадәр, юридик затларга 200дән 500 мең сумга кадәр штраф салыначак.
Чиста киләчәк бүгенге чисталыкка бәйле!