Эш тә бар, эшсезләр дә җитәрлек

Шөгыль үзәге хезмәткәрләре чираттагы вакансияләр ярминкәсен оештырдылар. Бу юлы алар эш эзләүчеләрне “МСО” җәмгыяте бинасында урнашкан җәза үтәтү инспекциясенә чакырдылар. Бу шартлы рәвештә хөкем ителүчеләрне дә эш белән тәэмин итү максатында оештырылды.
Эш эзләүчеләргә 27 оешма-предприятиенең төрле вакансияләр исемлеге тәкъдим ителде бу көнне. Аларда ир-егетләрне дә һәм хатын-кызларны да көтәләр. Нигездә төрле категорияле йөртүчеләргә, эретеп ябыштыручыларга, механизаторларга, слесарь-сантехникларга, каравылчыларга, төрле эшчеләргә, ашчыларга, кондитерларга, официантларга, җыештыручыларга, сы-ер савучыларга, хисапчыларга сорау зур. Хезмәт ха-кы да кызыктырырлык – уртача 7 меңнән алып 20 мең сумгача. Шәһәрдәге эре промышленность, тө-зелеш оешмалары, авыл хуҗалыгы предприятиеләре югары белемле белгечләргә дә котлык кичерә бүгенге көндә. Сүз уңаеннан, үзәктә бүген 180гә якын кеше исәптә тора. Арада төрле һөнәр ияләре бар. Аларның күбесе хатын-кызлар. Тик бу көнне эш эзләп килүчеләр бик аз иде. Вакансияләр тәкъдим итүче предприятиеләрнең дә күпчелеге үз вәкилләренең биредә катнашуларын кирәк дип тапмаган. “Буа Водоканалы”, Әхмәт электромеханика заводы, “МСО” ябык акционерлык җәмгыятьләренең кадрлар буенча белгечләре генә килгән.  Алар берничә һө-нәр буенча тәфсилле мәгълүмат бирүгә карамастан, вакансияләр белән бер ир-егет кенә кызыксынды. Сәламәтлеге мөмкинлек бирмәү сәбәпле, ул авыр хезмәт башкара алмавын әйтә, шул сәбәпле эш тә таба алмый. “Водоканал” җәмгыятенең кадрлар белгече Асия Еремиева егетнең резюмесы бе-лән танышканнан соң, аның белән элемтәгә керә-чәкләренә ышандырды. Шөгыль үзәгенең өлкән инспекторы Диләрә Куманькова белдерүенчә, күп очракта оешма-предприятиеләрдә һөнәре, яше буенча туры килгән эш эзләүчеләрне дә, төрле сәбәпләр табып, кире боралар.
- Билгеле, закон нигезендә эш бирүче хаклы, тик үзен реализацияләргә теләүчеләрне сынау срогы белән эшкә алу мөмкинлеге булуын да онытмасыннар иде,- ди ул.
Бу көнне эш эзләп килүчеләрнең күпчелеге исемлекләрне карап кына чыктылар. Югыйсә, кайбер һө-нәрләр буенча түләүсез укып, квалификация алу һәм эшкә урнашу мөмкинлеге дә бар иде. Соңгы вакытта авыл хуҗалыгы предприятиеләренә тракторчылар таләп ителә, шул сәбәпле ветеринария техникумы базасында шө-гыль үзәге аша түләүсез тракторчы-машинист һө-нәре алу мөмкинлеге булдырылган. “Авангард”ка һәм “Ак Барс-Буа” агрофирмасының 3 номерлы филиалына, мәсәлән, бүгенге көндә  биш чәчүче, шул кадәр тракторчы та-ләп ителә. Тик “категорияле” һәм эшле булырга теләүчеләр генә аз икән. 13 кеше җыелмыйча укуларны башлап булмый. Әлегә гариза калдыручылар 7әү генә.
Әйткәнебезчә, бүген шө-гыль үзәге хезмәткәрләре вакансияләр ярминкәсен шартлы рәвештә хөкем ителүчеләрнең теркәлү көненә махсус туры китерде, чөнки башка вакытта алар кат-кат чакыруларны да кабул итмиләр иде. Буа җәза үтәтү инспекциясе начальнигы Нияз Закиров белдерүенчә, шартлы рә-вештә хөкем ителүче 56 ке-ше исәптә тора. 12се – эш-сез. Быел ике ир-егет “Дорстрой“ җәмгыятенә, берсе “МСО”га, бер хатын-кыз “Ак Барс-Буа” агрофирмасының 3 номерлы филиалына урнаштырылган. Арада бөтенләй эшләргә теләмәүчеләр дә бар. Бүген 10га якын закон бозучы арасында ике хатын-кыз җыештыручы вакансиясе белән кызыксынды, бер ир-ат тракторчы һөнәре алырга теләк белдерде.