Буа муниципаль районы

«Бозылган» ризыкны сатмаска

2014 елның 31 марты, дүшәмбе

Рөстәм ХӘБИБУЛЛИН, ТР Дәүләт алкоголь инспекциясенең Яшел Үзән территориаль органының контроль-инспекция бүлеге белгеч-эксперты:
Гыйнвар-февраль айларында шәһәрдә урнашкан биш кибет тикшерелде һәм җитешсезлекләр булуы ачыкланды. Бәя күрсәткечләре, товар турында мәгъ-лүмат, бәяләмәләр һәм тәкъдимнәр китабы юк, ә яраклылык срогына кил-гәндә, сатучыларның ваемсызлыгына исең китәрлек. Бу бит күрәләтә закон бозу, шәһәр, район халкын, ахыр чиктә үз-үзеңне хөр-мәт итмәү дигән сүз. Билгеле, куллану срогы чыккан товар кибет киштәләрен-нән алыначак, штраф биреләчәк һәм ул түләнәчәк, тик менә өенә ашарга яраксыз ризык алып кайткан сатып алучының өмете өзелүе дәрәҗәсен ничек бәяләргә?! Моның өстенә сәламәтлек белән проблемалар башланырга мөм-кин. Җитештерүче яраклылык вакытын ул чыкканнан соң продукт сәламәтлек өчен зыянлыга һәм куркынычка әверелгәнгә куя. Ярый ла вакытында күреп өлгерсәләр. Ә бит өлкән-нәр, күзләре начар күрүче-ләр, балалар, гомумән күп кеше этикеткада вак хәреф белән язылганны укый алмый, теләми, ә бәлки сатучыларның намуслылыгына ышана. Бу хакта уйламаган сатучы үз кибете артында шулай ук кулланучыга әверелә һәм сыйфатлы товар сатып алырга тели бит.
Тикшерү барышында кибет киштәләреннән 8150 сумлык азык-төлек алынды, актлар тутырылды. Тикше-рү материаллары административ йогынты ясау өчен Роспотребнадзорга җибәрелде. Мин сәүдә объектларын атамадым, бәлки юккадыр. Сатучыларның абруен төшерәсе килмәде. Алар үз чиратларында мо-ны аңлап, язмада үзләрен, гаепләрен танып, башка мондый хилафлыкларга юл куймаслар дип ышанасы килә.

Оценить материал и/или оставить мнение

БАРЛЫК ЯҢАЛЫКЛАРНЫ УКУ