Буа муниципаль районы

Барыбыз да генераль җыештыруга!

2014 елның 14 апреле, дүшәмбе

Апрель башыннан районда санитар-экологик чистарту икеайлыгы игълан ителде. Кайбер оешма-предприятиеләр, учреждениеләр коллективлары кушканны да көтмичә, кар киткәч башланырга тиеш булып “канга сеңгән” җыештыруга керештеләр. Ләкин идеаль тәртип турында сөйләргә иртәрәк әле. Апрельнең беренче декадасында урамнарның санитар торышын тикшерү рейдын махсус оештырды, ул тәмамлангач ничек чистарганыбызны чагыштыру өчен.
Рейд барышында сәүдә оешмаларының активлыгы гаҗәпләндерде: күбесе кисәтү ясаганны көтеп тормыйча территорияләрен җыештырып алганнар. Сәүдә нокталары тирәләре чиста, чүп савытларында азык-төлек калдыклары тулып, ташып ятмый.
Вокзал урамының җөп санлы номерлы йортлары ягында инде бордюрларны да агартканнар, каршы як-та әле юл кырыендагы вак-төяк чүпләрне дә себереп алмаганнар. Совет урамында өмәчеләргә эш мәйданы хәйран гына – тротуарларда аунап ятучы шешәләр, азык-төлек, тә-мәке капларына җыештыручылар куллары тимәгән әле. Ефремов урамында беренчел җыештыру эшлә-ре башкарылган дип ...ир-тәрәк шатланганбыз булып чыкты. Урамның “аскы” өлеше чагыштырмача әй-бәт тәэсирләр калдыра, менә “Тимерхан” кибетенә табан 30-40 метр ара кала, чын мәгънәсендә, чүп мәй-данына тап булдык. Иске сарайлар сүтелгән урыннан ерак түгел сулы чокырда нинди генә көнкүреш калдыгы юк! Каршы якта да шундый ук хәл.
Р. Люксембург урамында санитар чистарту кызуында иде – район мәдәният сарае бинасы алдында тырнавыч, себеркеләр тоткан хезмәткәрләр мәш киләләр. Урамның Шафранов белән киселешеннән алып Төньяк Коммуна тыкрыгына кадәр өлешендә бордюрлар агартылган, территория “ялт” итеп җыештырылган (бигрәк тә лицей-интернат алды). Гомумән, мәктәпләр янындагы чисталыкка тел-теш тидерерлек түгел. Космовский, Жорес урамнарында да бәйләнерлек җирлек тапмадык.
Ләкин барыбер шәһәр кү-мәк җыештыруны көтә. Бәлки барыбызга да, 19 апрельдә булачак гомум-шәһәр өмәсен көтмичә, бү-геннән үк тырнавыч, себерке тотып, эшкә тотыныргадыр?!

Оценить материал и/или оставить мнение

БАРЛЫК ЯҢАЛЫКЛАРНЫ УКУ