Буа муниципаль районы

Гаиләнең 69нчы язы

2014 елның 7 мае, чәршәмбе

Әлши авылыннан 88 яшьлек Анна һәм 91 яшен тутырып килүче Семен Гавриловлар кулга-кул тотынып быел 69нчы Җиңү язын каршылыйлар.
Семен дәдәй – сугыш инвалиды, яу кырына унсигез яшендә, 1941 елда китә ул.
- Иң мәхшәр вакыт – совет гаскәрләре чигенәләр, корал, патроннар җитми. Яшьләр шул вакытта күп кырылды да инде. Минем 1942 ел башында Моздок шәһәре янында аягым яраланды. Бер елдан өйгә кайтарып җибәрделәр,- дип искә ала ветеран дәһ-шәтле елларны. Сугыш турында киноларны ярата, аларны йотлыгып, ул көн-нәрне хәтерендә барлап карый ул. Ничә еллар вакыт үтсә дә, михнәтләр онытылмый шул.
- Элегрәк елый да иде,- дип, “бабаеның” күзләренә карый Анна түти. Сугыш дигән явыз үзен әтисез ит-кән. Әнисе Наталья Афанасьева алты баласы бе-лән тол калган. Сугыш башланыр алдыннан гына гаилә Себердән сөргенлектән кайта – әтисе Георгийга кулак исеме тагалар. Йорт-җирләрен инде таратып бетергәннәр, нишләсеннәр, землянкада яшәр-гә мәҗбүр булалар. Бераз хәлләнгәч кечкенә генә йорт өлгертеп керәләр.
Унынчы сыйныфны тәмамлап килгәндә көтмәгәндә гаиләле булып куя кыз. Шулай ук сугыш инвалиды әтисе Сергей Владимирович белән Тәтеш районының Чагылдым авылына йөреп тимерче булып эшләүче Семен авылның иң чибәр кызына күз төшерә. Иптәшләре белән сүз куешып, 5 февраль көнне укудан кайтып килүче кызны урлый.
- Менә күрерсең, башкаларны көнләштерерлек итеп яшәячәкбез,- ди ул ышандырырлык итеп. Һәм сүзеннән чыкмый. Кайда гына булсалар да чибәрлекләренә, пар килгәнлекләренә, тырышлыкларына сокланалар аларның. Семен дәдәйнең бар тапканы гаиләсенә – йорт та өлгер-тә, 86 яшенә кадәр күп итеп умарталар тота, Урта Азиягә кадәр бәрәңге сатарга да бара. Аның өчен 80 килограммлы капчыкны җилкәсенә салу берни тормый. Күп мәртәбәләр авыллар Сабантуйларында батыр кала көчле беләкле егет. Борындык станциясендә тимер юлда лаеклы ялга чыккач та биш ел эшли. Язмышын аның бе-лән бәйләгәнгә бер генә тапкыр да үкенмәгән Аннасы бергә тудырган гаилә учагының җылысын саклый белә.
Менә шулай аңлашып-килешеп өч ул тәрбияләп үс-терәләр Гавриловлар. Авылда яшәүче уллары Юрий әйтүенчә, гаиләдә уку беренче урынга куела, өчесенә дә югары белем бирәләр, аларны үз үрнәк-ләрендә тәрбиялиләр. Хәзер инде балалары, онык-оныкчыклары алар өчен үлеп торалар, җае чыккан саен кайталар. Без барган көнне дә хатыны Галина белән Юрий бар эшләрен ташлап килеп җиттеләр. Аларның Казанда укучы ике кызлары, дүртенче сыйныфта белем алучы уллары Семен әби-бабайларының төп ярдәмчеләре.
- Авыр вакытлар артта калды. Рәхәт тормышта тагын бераз яшисе иде әле,- ди Анна түти. Тагын Җиңүнең һәм гаилә тормышының 70 еллыгын каршылыйсылары килә аларның. Семен дәдәй авылда исән калган сугыш ветераннары Нил Ложков, Иван Емельянов, Лука Морозов белән очрашканда да гел Җиңү турында сөйләшәләр.
Ә без бу озын гомерле бәхетле парга әле тагын бик күп язларны бергә каршылауларын телибез.

Оценить материал и/или оставить мнение

БАРЛЫК ЯҢАЛЫКЛАРНЫ УКУ