Алар хәбәрсез югалмаган

2014 елның 27 мае, сишәмбе
Бүген Ял үзәгендә  Бөек Ватан сугышында хәбәрсез югалган дип саналучы сугышчыларның якыннарына аларның кайда һәм кайчан һәлак булулары турында белдерү кәгазе тапшырылды. Шулай ук сугыштан исән-сау кайтып та бүгенгәчә үзләренең хөкүмәт тарафыннан төрле бүләкләүләргә тәгьдим ителүләрен белмичә вафат булучыларның якыннары да белдеръ кәгазьләре алдылар.
Очрашу шәһәр үзәгендәге һәлак булган әфганчы-интернационалчылар истәлегенә куелган обелискка венок салудан башланды. Казан Кремлендәге музей-мемориалы директоры Михаил Черепанов вафат булучыларның якыннарын табуда зур булышлык күрсәткән шәһәрнең 1 номерлы мәктәбе укучыларына һәм директоры Рамил Җамалетдиновка рәхмәтен җиткерде. Муниципаль район башлыгы Азат Айзетуллов барысына да Рәхмәт хатлары тапшырды. Мәрхүмнәрнең якыннары үлем хәбәре турындагы кәгазне алганда күз яшләрен тыя алмадылар, Михаил Валерьевичка рәхмәт әйттеләр.
Бу көнне район хәрби комиссары Радик Төхфәтуллин Чечня сугышында катнашкан ир-егетләргә үзләренең җәмгыятьләрен булдыру тәгъдиме белән чыкты. Әфган сугышында катнашкан сугышчы-интернационалчылар һәм әфганчылар советы рәисе Ринат Хәсәнов та бу фикерне хуплады,киңәшләре белән булышачагына ышандырды. Бәйрәм җырлар белән үрелеп барды.
Хөрмәтле укучыларыбыз без сезнең игьтибарга Михаил Черепанов алып кайткан хәбәрсез югалучыларның яңа исемлеген тәгьдим итәбез. Якыннарын табучылар туган якны өйрәнү музеена хәбәр итсеннәр иде.  
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International