“Тоннель” аша гына узарга

Узган җомгада шәһәрнең Ефремов урамында ГИБДД хез-мәткәрләренең берьюлы дүрт экипажы дәррәү килеп төшеп 40 минут дәвамында узгынчы автомашиналарны рәттән диярлек туктаттылар.
Мондый масскүләм тоткарлау һәм йөртүчеләрне төр-ле яклап тикшерү, гаепле-ләргә шунда ук штрафлар салу Татарстан Республикасы Эчке эшләр министры Артем Хохорин боерыгы буенча игълан ител-гән “Тоннель” оператив операциясе кысаларында үткәрелде. Юл хәрәкәте кагыйдәләрен бозуларны кисәтүне максат итеп куйган профилактик операциягә оперативлык һәм кө-телмәгәнлек эффекты хас булды. Анда район ЮХИДИ бүлекчәсе һәм юл-транспорт хезмәтчелеге аерым батальонының 1 нче ротасының 5нче взводы юл инспекторлары катнашты.
Район ЮХИДИ бүлекчәсе начальнигы Гомәр Әхмәт-җанов хезмәткәрләр алдында йөртүчеләрне “чиста һава” линиясе буенча алкоголь куллану-кулланмауга,  автотранспорт йөр-түгә кагылышлы документлары тәртиптә булуга, иминлек каешлары эләктерелүгә, балаларны махсус утыргычларда алып баруга, штрафлар түләмәүгә тикшерергә бурыч куйды. Билгеле, башкача кагыйдә бозуларны да күздән ычкындырмаска.
Операция үткәрү урыны итеп Ефремов урамының Напольныйдан алып Б. Хмельницкийга кадәр участогы сайланды. Ул 14 сә-гатьтә башланды. Юл инспекторларының сырлы таягы “уйнап” кына торды. Шәһәрдә иң интенсив хә-рәкәт булган урамда транспорт агымы зур – берьюлы дистәгә якын автомобиль туктатылды, ә 40 минут эчендә аларның саны йөздән дә артты. Инспекторлар, тыгыз булуга карамастан, һәр йөртүченең диярлек штрафлары булу-булмауны, айныклыгын, документларын тикшерергә дә,  иминлек каешлары эләктергән булуны күзәтергә дә өлгерде-ләр. Әлбәттә, кагыйдә бозучыларсыз булмады. Иминлек каешларын эләктермәүчеләргә карата 6 беркетмә тутырылды. Икесе – пассажирының үз куркынычсызлыгына бармак аша каравы өчен. Йөртүче аның өчен дә җаваплы, каешны эләктерүне таләп итәргә тиеш. Киресенчә булганда, штрафлар уртак – йөртүчегә 1000 сум, пассажирга 500 сум. Арада бер йөртүчегә иминлек каешы эләктермәгәнгә 1000 сум штрафка өстәмә җәза да каралачак – ул юл инспекторларының туктарга сигнал бирүенә карамастан, хәрәкәтен дәвам итте. Тик качкын ерак китә алмады, юл инспекторларының бер экипажы  артыннан куып тотты. Хәзер кагыйдә бозучыны дәүләт инспекторының  таләбенә буйсынмавы өчен дә җәза кө-тә. Бер йөртүче хатын-кызга автомобильдә күкрәк баласын махсус җайланмасыз алып баруы өчен штраф салынды, икенче бер шоферга “керү тыела” билгесе торуга карамастан, урам буйлап зур йөк автомобилендә баруы өчен беркетмә тутырылды. Штраф – 500 сум. Операциянең соңгы минутларында юл хәрәкәте инспекторлары йөртүче таныклыгы булмаган скутер йөртүчене тоткарладылар. Документсыз скутерчыга карата да беркетмә тутырылды.
Агымдагы елның 8 апреленнән мопедлар һәм скутерлар йөртүчеләр-дән йөртүче таныклыгы таләп ителә башлады. Әлеге транспортка документсыз идарә итү юл транспорт хәрәкәте кагыйдәсен бозу дип таныла һәм гаеплегә штраф салына.