“Солдатлар” арасында көндәшлек көчле.

Май ахырында унынчы сыйныфны тәмамлаучы егетләр 5 көн солдат тормышы белән яшәделәр. Район мәгариф идарәсе һәм район хәрби комиссариаты тарафыннан оештырылучы традицион өйрәнү-кыр җыеннарыннан сәламәтлеге мөмкинлек биргән беркем дә читтә калмады. Быел анда 118 укучы килде, алар 6 взводка берләште.
Степановка урманының Кояшлы аланы “эх” дигәнче палаткалар шәһәрчегенә әверелеп, урамнары өсләренә бертөрле “камуфляж” форма киеп алган, җитди йөзле булачак солдатлар белән тулды. Монда эленке-салынкы йөрү һич мөмкин түгел. “Подъем” иртәнге 7дә, иң элек 3 километр йөгереп кайтасы. Аннан “отбой”га – 22 сәгатькә кадәр һәр минутын нәтиҗәле итеп уздыруга нигезләнеп төзелгән режим  көтә.  Шул рәвешле егетләр тормыш иминлеге нигезләре фәне программасы буенча тәүлек-лек наряд таләпләре, каравыл, часовой хезмәтләре белән таныштылар, ут-лы корал белән эш итү, хәрби топография, химик саклау чаралары, медицина әзерлеге буенча дәрес-ләр алдылар. Белемнәрен хәрбиләштерелгән ярышларда сынадылар. Булачак солдат физик әзерлеге ягыннан да сынатмаска тиеш – монысын күрсәтү өчен шулай ук күптөрле бәйгеләр оештырылды. Егетләргә тагын көндезен кыздырган кояшка, төнге салкыннарга, черкиләр тешләгәнгә дә түзәргә ту-ры килде. Үзем берничә мәртәбә егетләрнең солдат тормышын күзәтергә бардым, хәлләрен сораштырдым, әмма зарлану сү-зен ишетмәдем. Бик күплә-ре 18 яшь тулуга армиягә китәргә теләүләрен әйтте-ләр.  
- Нигездә укучылар өйрәнү җыеннарын көтеп алалар. Быелгы унынчы сыйныфлар да моңа ныклы әзерлектә килгәннәр, үзләрен чын солдатларча тоттылар, бернәрсәгә бирешмәделәр. Алдагы еллар бе-лән чагыштырганда, әзерлек дәрәҗәсе үсүен, укучылар арасында конкуренция артуын әйтәсем килә. Мо-ңа тормыш иминлеге нигезләре дәресләрен укыту сыйфаты да йогынты ясый,- ди өйрәнү җыеннары  начальнигы, Алших ур-та мәктәбенең тормыш иминлеге нигезләре укытучысы, әлеге фән укытучыларының район методик берләшмәсе җитәкчесе Александр Андреев.  
Кайда да иң көчлеләр җи-ңә. Биредә Калашников автоматын сүтеп җыюда һәм 800 метрга йөгерүдә Ырыңгыдан Дмитрий Тимряков һәм Руслан Шурбин, пневматик винтовкадан атуда һәм турникта тартылуда Яңа Чәчкаптан Илмас Гатиятуллин һәм Булат Гыймадов, гер күтәрүдә 2 номерлы лицейдан Рафаэль Кәлимуллин, граната ыргытуда Адав-Толымбайдан Динар Мөхтәров, Калашников автоматыннан атуда Р. З. Сәгъдиев исемендәге мәктәптән Динар Ибраһимов беренче урын яуладылар. Команда бе-лән үткәрелгән ярышларда һәр взвод үзен таныта алды.
Барлык нәтиҗәләр буенча Алших, Әлши, Чуаш Киш-тәге, Боерган, Ырыңгы, Протопопово мәктәпләрен берләштергән 5нче взвод җиңүгә иреште. Икенче урынны Адав-Толымбай, Яңа Чәчкап, Югары Лашчы, Килдураз, Аксу мәктәп-ләренең 6нчы, өченчене 1 номерлы мәктәпнең һәм лицей-интернатның 1нче взводы алды.
Соңгы көндә бүләкләү тантанасыннан соң булачак солдатлар үзләрен тәбрик-ләргә килгән район башкарма комитеты җитәкчесенең социаль мәсьәлә-ләр буенча урынбасары Лилия Садретдинова, район хәрби комиссары Радик Төхфәтуллин, мәгариф хезмәткәрләренең һөнәр берлекләре комитеты рәисе Рәшит Сираҗиев, мәк-тәпләр директорлары каршыннан тантаналы марш белән  уздылар. Военкомат вәкиле Ринат Гыйззәтуллин, “ДОСААФ” вәкиле Рафыйк Шәрәфетдинов ярдәме белән аны чын хәрби парадка әверелдергәннәр.