Планлы операцияне күпме көтәргә?

“Миңа күз табиблары “катаракта” дигән диагноз куйдылар. Хәзер кү-земнең “хрусталигын” алмаштырырга кирәк. Планлы операциягә чиратка басу тәртибен аң-латыгыз әле.
И. СӨЛӘЙМАНОВА.
Буа шәһәре.”
Сорауга Татарстан Республикасы мәҗбүри медицина иминиятләштерүе фондының территориаль бүлеге директоры Илсур ГАРИПОВ җавап бирә:
- Күз авырулары һәм аның иярчен аппараты чире очрагында махсуслаштырылган ярдәм мәҗбүри медицина иминиятләштерүнең база программасы кысаларында түләүсез күрсәтелә. Консультатив поликлиникада, махсуслаштырылган поликлиникада амбулатор ярдәм күрсәткәндә табиб-белгечләрнең планлы консультацияләрен һәм диагностик тикшерүләрен көтү-нең чик срогы – 15 эш кө-неннән дә күп түгел. Көтү вакыты планлы госпитализацияләүгә чиратның озынлыгына бәйле. Ләкин дәвалаучы табиб дәваханәгә ятарга юллама биргән көн-нән соң 30 эш көненнән дә озак булырга тиеш түгел. Чиратка һәм госпитализацияләүгә кагылышлы сорауларыгызны сез республика клиник офтальмология дәваханәсенә яисә  8(843) 238-50-61 телефоны буенча сәламәтлек саклау идарәсенең дәвалау ярдәме бүлегенә бирә аласыз. Шулай ук үзегезгә мәҗбүри медицина иминиятләштерү полисы биргән учреждениегә мөрәҗәгать итәргә хокукыгыз бар.