60 елдан соң да якын син, сыйныфташ

Элеккеге сыйныфташларның очрашуы гадәти хәл, шуңа да газетабыз битләрендә аңа урын биргәнебез юк диярлек. Ә менә М. Вахитов исемендәге урта мәктәпне моннан 60 ел элек тәмамлаучылар җыелуын ишеткәч, кызыксына калдык. Килә алырлармы һәм нинди алар бүген сигезенче дистәне тутырып килүче кичәге укучылар?  
Беренчедән, өлкәннәребез пунктуаль – билгеләнгән вакытта гимназиядә иде-ләр инде. 30га якын кеше җыелды. Әбиләрнең барысы да башларына ак яулык япкан, бабайлар түбәтәй кигән, күпләре таякка таянган. Ә йөзләрендә очрашу-күрешү шатлыгыннан туган елмаю балкый – йөрәк һа-ман яшь бит! Бик кызыксынып сыйныф бүлмәләрен, музейны карадылар. Фотоальбомнардан уку елларында төшкән фотоларын табып, үткәннәрен искә төшерделәр. Өч сыйныфка 90 укучы булган алар. Ни кызганыч, күпләре бү-ген якты дөньяда юк инде. Кайберләре туган төбәген-нән еракта яши. Очрашуга килгән ир-егетләрнең оештыру өчен җаваплы Хәй-дәр абый Гыймалетдиновтан кала барысы да Буадан читтә – Казанда, республиканың төрле районнарында гомер итәләр. Тумышы белән Бикмураздан булган Мансур Гыйсмәтуллин Санкт-Петербург шә-һәреннән кайткан.
- Моңа кадәр күп мәртә-бәләр оештырылган сыйныфташлар очрашуларында була алмадым шул. Бәлки шуңадыр да күплә-рен танымадым. Аралашкач кайберләре искә төш-те. Очрашулар кирәк икән ул,- ди Мансур абый. Моңа һич каршы килү мөмкин тү-гел – әнә, бер-берсе белән ничек якын итеп аралашалар, хәл-әхвәл сорашалар сыйныфташлар. Рубинә Әхмәтшина-Бакаева бар хисләрен “Белегез шуны” җырына, Исламия Гыйматдинова үзе язган шигыренә “төреп” җиткерделәр. Шагыйрь Әхмәт Рәшит туган мәктәбен мактап язган күп-тән танылу алган шигырен кабат яңартты. Гафият абый Гыйматдинов сыйныфташларының сәламәтлеген кайгыртырга да онытмаган.
- Мин көн саен 22 мәртәбә “приседание”, шулкадәр үк “отжимание” ясыйм, 20 минут басып торам,- дип физик күнегүләр турында язылган газета битләре таратты.
Сыйныфташлар бер-бер-ләренең уңышларына да чын күңелдән шатланалар. Бар гомерен медицинага багышлаган, 30 ел Болгар үзәк дәваханәсе баш табибы булып эшләгән Фиргать Галимов быел әнә “Ел табибы – Ак чәчәкләр” республика конкурсының “Сә-ламәтлек саклау легендасы” номинациясендә җиңү яулаган. Аңа гөрләтеп кул чаптылар. Казан милли тикшеренүләр университеты профессоры Фоат Гарифуллин, аның хезмәттәше доцент Ринат Әюпов, химия фәннәре кандидаты Харис Санатуллин, Г. Тукай премиясе лауреаты Ленар Җамалетдинов һәм башкалар аларның горурлыгы. Һәрберсенең әйтер сүзе күп булды ул көнне. Киләчәккә барысын да бер теләк берләштерә – очрашулар тагын да насыйп булсын, исән-сау булып, аларга килергә язсын.