Безнең “живчик” ул

Сиксән яшендә дә бөтерчек кебек бөтерелә эчке эшләр хезмәте ветераны, отставкадагы подполковник Касыйм ага Абдуллин. Әле киңәш сорыйлар, әле яшьләр белән очрашуга чакыралар – барысына да өлгерергә кирәк. Һәрнәрсәдән хәбәрдар, башлаганны җиренә җитерүче Касыйм абый башкача эшләргә өйрәнмәгән.   Район эчке эшләр бүлеге начальнигы Айрат Ханбиков та юкка гына безнең “живчик” дими инде аның турында.
Бүген дә сафта
Үзе эшләп лаеклы ялга чыккан эчке эшләр бүлегенең ветераннар Советында да, 2000нче елдан бирле  ветераннарның һәм пенсионерларның район Советында да рәис урынбасары вазифаларын башкара ул. Районныкында ки-зү торган көннәрдә юридик ярдәм дә күрсәтә. Кизү то-ру графигында шулай язылган, тик андагы эш бүлмәсенә килми калган көне юк диярлек. Өлкән кешеләргә документлар тутырырга да, бер-берсенә охшамаган проблемаларын чишәргә дә булыша. Бер ел элек берәү әнисе өчен дөреслек эзләп килә.  Буа хәрби комиссариатыннан ике мәртәбә Бөек Ватан сугышына чыгып китеп, исән-сау әйләнеп кайткан әтиләренең   сугышта булганлыгы турында беркайда  язылмаган. Каян да кире борганнар. Ә Касыйм абый төрле архивларга мөрәҗә-гать итеп, эзләп таба ул мәгълүматны һәм сугыш толын квартиралы итә. Берничә ел элек Казанда нәшер ителгән “Они вернулись с Победой” дигән китапка мәгълүматлар җыеп тапшыралар. Шәһәрдә бу эшкә ветеринария техникумы студентларын, авылларда авыл җирлекләре хезмәткәрләрен җәлеп итәләр.  Касыйм абыйның тормышында рәхмәт сүз-ләре генә ишеткән мондый мисаллар  бихисап.
Уку хыялы
тормышка ашты
Ә бит җиде яшендә әтисез калган, җиде сыйныф белем белән колхозда яшьли ат, үгез җиккән, урман кискән егет, теләге булса да, сугыштан соңгы авыр елларда  уку турында уйларга да курыкты. Бар кайгысы тамак туйдыру  иде шул. Ипине туйганчы 1953 елда Төньяк диңгез флотына хезмәт итәргә киткәч кенә ашый алды. Биш елдан хезмәтен тәмамлаган Касыймны комсомол юлламасы белән туган ягы Апас районы эчке эшләр бүлегенә “участковый” итеп җибәрәләр. Уналты ел 23 авылга хезмәт күр-сәтә.
- Менә шунда укырга булган теләгемне тормышка ашырдым да инде – башта кичке мәктәпне, аннан Алабуга милиция мәктә-бен һәм 1974 елда СССР Эчке эшләр министрлыгының Югары мәктәбен тә-мамладым,- ди бүген дә үз өстендә эшләүче, хокук өл-кәсен яктырткан газеталардан аерылмаучы, алардан барлык яңа законнар белән танышып баручы Касыйм ага.   
Үзен яхшы яктан танытырга өлгергән хезмәткәрне шул елны республиканың Чирмешән районына эчке эшләр бүлеге җитәкчесе итеп билгелиләр.  Ә 1980 елдан башлап аның тормыш һәм хезмәт юлы Буа районы белән бәйле. Бирегә аны җитәкчелек соравы белән кайтаралар. Эчке эшләр бүлеге начальнигының оператив эш буенча урынбасары җинаятьләрне ачу юлында җиң сызганып эшкә тотына.
-Ул елларда районда үтереш-талаулар күп иде. Һәрберсе йөрәк аша үткән. Бүгенгедәй хәтеремдә: 1984 елның 5 июнендә кичке сәгать бишләр тирәсендә Чуаш Киштәге авылыннан ерак түгел арыш кырында 12 яшьлек кыз баланың үле гәүдәсе табылуын хәбәр иттеләр. Тиз арада оператив төркем туплап, бәла булган урынга чыгып киттек. Сабыйны көчләүче һәм үтерүче, һичшиксез, җәзасын алырга тиеш! Авыл халкыннан сораша торгач берсе күрше Ульяновск өлкәсеннән килгән бер егетнең урамнан узып барганын күрүен әйтте. Авылларына киттем, ә аның туган йортына ел башыннан бирле кайтканы юк икән. Өлкәдә тимер юлда эшләве билгеле булды. Өч көннән соң табылды егетебез, тик гаебен танырга теләми генә. Җиде төрле экспертиза үткәрдек, барысы да җинаятьне аның эшләвен раслый. Суд атып үтерергә ди-гән карар чыгарды, ә ул шикаять белдереп, эш ки-ре карауга җибәрелде. Тагын атарга дигән карар, тагын – тикшерү. Ахыр чик-тә 15 елга төрмәгә утырттылар,- дип искә ала ветеран үткән хезмәт юлының бер мизгелен.
Династия
барлыкка килде
Шундый дөреслек тантана иткән мизгелләр аны Татарстан Эчке эшләр министрлыгының мактаулы хезмәткәре итте. Күпсанлы бүләкләре, Рәхмәт хатлары, Мактау грамоталары да алга куелган бурычын намус белән үтәве, эшен яратып башкаруы, аның өчен вакытын кызганмавы, белемен күтәрүе, осталыгын арттыруы хакында сөйли. Башта хәрби, аннан район эчке эшләр бүлеген-дә финанс өлкәсе начальнигы булып эшләгән, полиция майоры улы  Алмаз, хәзер аның эшен дәвам итүче килене шулай ук майор Фаягөл, полиция хезмәтен сайлаган, төрле дәрәҗәләргә ирешкән  бертуганының балалары Гомәр, Дамир, Рөстәм, Нурания Хәйруллиннар аның традицияләрен дәвам итә-ләр.
Ике көннән Абдуллиннарда зур юбилей – балалары, кияү-киленнәре, оныклары, коллегалары,  рәхмәт-ле райондашлары Касыйм аганы 80 яшьлеге белән тәбрик итәрләр. Быел гомумән аларда юбилейлар елы, тормыш иптәше Флераның 75 яшьлеген, аның белән гаилә коруның 50 еллыгын билгеләп үтте-ләр. Мондый шатлыклы бәйрәмнәр тагын да насыйп булсын!