Җылыны жәен кайгырт

Беренче августка пар казаны биналары ягу сезонына әзер булачак, дип ышандыралар “Буа җылылык челтәрләре” җәмгыяте белгечләре. Шәһәрдәге 108 күпкатлы йорт 6 “котельный”дан җылытыла.  Бүген аларда кышка әзерлек эшләре нинди этапка җиткән? Әлеге язмада шуны ачыкладык.
“Котельный”лар ни хәлдә
1 номерлы  пар казаны бинасыннан шәһәрдәге “Тургай” сәүдә йорты  тирәсендәге 64 объект “җылына”,  шул исәптән 38е күпкатлы йортлар. Биредә яңа пар казаны урнаштырылган гына. Узган ел файдалы эш коэффициенты зур булган ике термотехник пар казанын монтажлау күп проблемаларны хәл иткән булган. Яшәүчеләр кыш көне квартираларда түбән температура булудан зарланмаганнар. . Язын – җылылык сезоны тәмамланыр алдыннан Жорес урамындагы 112 йортта яшәүчеләр бүлмәләрдә салкын булудан зарланганнар. Ремонттан соң хәл яхшырган. Хәзерге көндә “котельный”дагы пар казаннарын юдыру, 100 метрдан күбрәк озынлыктагы җылылык торбаларын, насосларын алыштыру, опрессовкалау кебек планлы эшләр төгәлләнеп килә.
2 номерлы “котельный”дан  җылы шәһәрнең Арефьев, Б. Хмельницкий урамындагы 20 йортка, 7 объектка бирелә. Быел бинада электр челтәрләре тулысынча яңартылган. Әлеге ремонткаә 300 мең сумнан да күбрәк акча тотылган. Җылылык саклау ниятеннән торбаларның таушалган урыннарына ремонт ясыйлар. Шулай ук пар казаннары ремонтлана һәм юдырыла, җылылык җибәрүне көйләүче җиһаз – бикләгеч арматураның детальләре алмаштырыла.
Район үзәк дәваханәсе микрорайонындагы 3 номерлы “котельный”дан  12 йорт, 25 объект  “туклана”. Быел анда 2 җылылык насосы алыштырылган.  Шулай ук  пар казаннарын юдыру, төзекләндерү, бикләгеч арматураның детальләрен алыштыру башкарылды.
Интернат-мәктәп янындагы 4 номерлы “котельный”дан  шәһәрдәге 5 йортка, 9 объектка җылылык җибәрелә. Бинага косметик, җылылык насосларына капиталь ремонт үткәрелде. Узган ел яшәүчеләр квартираларында салкын булудан зарланган Титов урамындагы 14, Напольная урамындагы 31, 32 номерлы йортлардагы барлык фатирларга да ике контурлы пар казаннары урнаштырып бетергәннәр.
Хәзерге көндә бу котельныйда да агымдагы төзекләндерү эшләре бара.  
М. Вахитов исемендәге гимназия артындагы 5 номерлы “котельный” шәһәрдәге 3 йортка, 16 объектка хезмәт күрсәтә. Пар казаннары яхшы хәлдә, ремонт таләп ителми, елдагыча, аларны юдырдылар гына. Җылылык насосларын, 50 метр озынлыктагы торбаларны алыштырдылар. Бикләгеч арматураның детальләре яңартылды.
Иң зур эш күләме шикәр заводы микрорайоныны тәэмин итүче 6 номерлы “котельный”да.  Ул 30 йортны, 39 объектны җылыта. Пар казаннары яхшы хәлдә. Иң зур проблема – җылылык трассасы нык таушалган. 70 елдан күбрәк вакыт эксплуатацияләнгән 5 километрдан күбрәк озынлыктагы трассаны яңарту таләп ителә. Бүгенге көндә бу эш тулысынча башкарыла.
Соңиаль объектлар – беренче чиратта
“Кыят МППЖКХсы” ачык акционерлык җәмгыяте генераль директоры Рәфәгать Хәсәнов белдерүенчә, алар карамагындагы социаль объектлар бүгенге көндә “әзерлек сызыгында”. Җәмгыять карамагындагы 44 “котельный”ның күбесендә барлык җиһазлар алыштырылган. Киләсе елга 60 проценттан да күбрәк таушалган пар казаннарын яңаларына алыштыру планга кертелгән.
Әлфинур Йосыпова.
Автор фотосы.
Ленар Яраханов, “Буа җылылык челтәрләре” ябык акционерлык җәмгыяте директоры:
- Бездә хәзер “кайнар” вакыт. Барлык ремонт бригадалары эшкә җигелгән. “Котельныйларда  ремонт үткәрү белән беррәттән шәһәрнең Арефьев урамындагы 50 метр, Яшьләр паркындагы 120 метр озынлыктагы җир асты җылылык трассаларын яңаларына алыштыра башладык. Соңыннан төзелеш нормалары һәм кагыйдәләре нигезендә трассаларның барысын да су басымы белән сынаячакбыз. Кышын бернинди гадәттән тыш хәлләр булырга тиеш түгел. 1 августка әзерлек паспортларын тапшырырга ниятлибез. Шулай ук тиздән газ казаннарында эшләүчеләр өчен дә