Атлы-автомобильле сәяхәтчеләр килде

Узган атна ахырында Буада уникаль атлы-автомобильле йгеөрүдә катнашучы инвалид-спортчылар хәрәкәте активистлары булып киттеләр. Төгәлрәге, Яр Чаллыдагы инвалид-спортчыларның “Идел-Урал” хәйрия фондының дүрт еллык программасы Яр Чаллы – Буа маршруты белән төгәлләнде.
28 июльдә старт алган һәм 12 торак пунктны колачлаган йөгерүнең Буадагы соңгы тукталышына Чүпрәле районыннан килгән кунаклар белән очрашу шәһәр-нең үзәк мәйданында узды.
- Һәр эштә алдынгы, уңганлыгы, тырышлыгы белән танылган Буа халкына республиканың барлык районнарының кайнар сәламен алып килдек. 2011 елда маршрутыбыз борынгы Болгар шәһәренә, аннан Свияжск утрау-шәһәрчегенә иде, былтыр Бөгелмә якларында булдык. Килә-чәктә Россия шәһәр-ләренә, хәтта чит илләргә юл алырбыз дип торабыз. Чөнки максатыбыз изге безнең – инвалидларны социаль реабилитацияләү, мәдәни-массакүләм һәм физкультура-сәламәтләндерү чараларын оештыруда тәҗрибә уртаклашу, дуслык җепләрен ныгыту һәм тарих һәйкәлләрен һәм мәдәниятне торгызу. Соңгысы буенча “Возрождение” фонды белән хезмәттәшлек итәбез һәм йөгерү барышында җыелган финанс средстволары Болгар һәм Свияжск мәдәни мирас һәйкәлләрен торгызуга юнәлтеләчәк. Аңа махсус кубка хәлегездән килгән кадәр акча салып, Ягъсуф Шәф-ыйковның татар, рус, инглиз телләрендә язылган “Казан университеты” дигән китабын сатып алып, сез дә өлеш кертә аласыз. Акчаның бер өлеше авторның үзенә биреләчәк,- дип башлады чыгышын “Идел-Урал” фонды җитәкчесе Рәкыйт Әбделманов.
Муниципаль район башлыгы Азат Айзетуллов кунакларның районга килүләре, буалылар турында җылы сүзләре, игелекле эшләре өчен рәхмәт әйтте, барчасына исәнлек, уңышлар теләде.
- Сезгә карап, кешенең барысын да булдыра алуына, тик теләк кенә кирәк булуына инанабыз. Башкаларга үрнәк сез,- дип район Советы исеменнән 100 китаплык – 15 мең сум акча  бирде һәм аларны ветераннарга, балаларга таратачакларын белдерде. Очрашуга кил-гән җитәкчеләр, гади халык та “Казан университеты”н сатып алды, махсус кубны да читләтеп үтмәде. Кунаклар да буш кул белән кил-мәгәннәр – Регина Кузнецова, Александр Рожков, Александра Абрамова матур җырларын бүләк иттеләр,   йөгерүдә катнашучы ат балаларны мәйдан әй-ләндерде. Җырчыларга Буа үзешчәннәре дә кушылдылар. Хәйрия гамәлләренең, үзара дуслыкның дәвамлы булачагын раслагандай шәһәр үзәгендә туй “кортежы” килеп керде. Яңа гына никахларын теркәгән Сиринә белән Илнурны барысы да алкышлап каршы алды, сәхнәдән алар адресына иң матур теләкләр яңгырады. Рәкыйт Әбделманов яшь парга бу көнне мәңге күңелегездә саклагыз, бәхетле булыгыз дип истәлеккә календарь тапшырды.
Бу көн Татарстанның төрле төбәкләрендә яшәүче физик мөмкинлекләре чик-ләнгән кешеләрнең бер-берсе белән танышуы, аралашуы өчен дә бер форсат иде. Әнә, Күл Черкененнән шагыйрә, күп җырлар авторы һәм  “Ярдәм”  мәчете фонды каршындагы волонтерлык оешмасы әгъзасы  Лилия Сәлахетдинова анда күптәнге танышларын очратты. Тумышы белән Ап-астан булган Гөлназ Гыйльметдинова Яр Чаллыга кайтып җиткәч аның белән элемтәгә керәчәген әйтеп хушлашты.

Без исә сезне кабат Буа якларында көтеп калабыз.