Буа муниципаль районы

Бәйрәм программасы

2014 елның 29 августы, җомга

Бәйрәм программасы

30 август көнне Татарстан Республикасы көненә, Буа шәһәре һәм районы көненә, Чәчәкләр бәйрәменә багышланган чараларның
программасы
8.00 - 9.30 сәгатьтә “Батыр” спорт мәктәбендә волейбол-баскетбол һәм футбол, М. Вахитов исемендәге гимназиядә, шәһәрнең В.Трусенев исемендәге үзәк стадионында волейбол-баскетбол спорт мәйданчыкларын ачу. Аларда спорт ярышлары.
10.00 сәгатьтә шәһәрнең үзәк мәйданында бәйрәм тантанасы.
11.00 сәгатьтә Чәчәк бәйрәме,конкурс җиңүчеләрен котлау.
12.00 сәгатьтә капиталь ремонттан соң Боерган урта мәктәбен, фельдшерлык- акушерлык пунктын, балалар бакчасын ачу.
18.00 сәгатьтә үзәк мәйданда “Созвездие-Йолдызлык” ачык республика телевизион яшьләр эстрада сәнгате фестивале җиңүчеләре һәм лауреатлары концерты. 235 яшь артист чыгышын ике зур экраннан да карарга мөмкин булачак.
30 август – Республика көне уңаеннан Буа муниципаль районы башлыгы Азат АЙЗЕТУЛЛОВ район һәм шәһәр халкына, якташларга котлау ирештерә:
“Сезне Республика көне белән ихлас күңелдән котлыйм! Татарстан туган йортына әверелгән, аның үткәне һәм бүгенгесе кадерле булган, киләчәге хакына армый-талмый эшләүче һәркемне берләштерүче бәйрәм ул.
Безнең уртак эшебез республикада, шул исәптән Буа муниципаль районында да озак сроклы үсеш тәэмин итә. Соңгы елларда халык турында кайгыртучы өстенлекле милли проектлар уңышлы реализацияләнә, яңа социаль объектлар файдалануга тапшырыла. Безнең бердәм һәм уңышлы хезмәтебез алга таба яхшы үзгәрешләр залогы булып тора. Әлеге күренекле көндә барыгызга да тынычлык, иминлек, бәхет телим”, диелә анда.
1 сентябрь – Белем көне. Бу уңайдан муниципаль район башлыгы Азат АЙЗЕТУЛЛОВ барлык укытучыларга һәм укучыларга котлау ирештерә:
“Сезне Белем көне һәм яңа уку елы башлану белән чын күңелдән котлыйм. Каникуллар тәмамлана һәм мәк-тәпләрдә җитди уку айлары башлана. Бу көн беренче сыйныфка баручылар өчен аеруча истәлекле, белем дөньясына аяк басу көне. Һәр укучыга мәктәп тормышының кызыклы битләрдән торуын, әти-әниләре горурланырлык яхшы укуларын телим. Шулай ук балаларның киләчәге укытучыларның профессиональлегенә, педагогик осталыгына, грамоталылыгына, үз эшенә бирел-гәнлегенә бәйле. Яңа уку елы укытучылар өчен дә, укучыларга да уңышлы булсын иде”, диелә анда.

Оценить материал и/или оставить мнение

БАРЛЫК ЯҢАЛЫКЛАРНЫ УКУ