01, 02, 03 хәбәр итә

Октябрьдә районда 13 җинаять теркәлде. Шуларның күбесе урлаулар.

6 октябрь көнне авылдагы бер йортның ишегалдыннан ике каз юкка чыга. Аларны 1975 һәм 1963 ел-гы хатын-кызлар урлап чыкканлыгы ачыкланды.

10 октябрьдә шәһәрнең Жорес урамыннан чыгучы чит ил автомобиле Казан-Ульяновск трассасыннан баручы икенче автомобильгә юл бирми. Нәтиҗә-дә аның пассажиры авыр дәрәҗәдәге тән җәрәхәт-ләре ала.

Полиция бүлегенә 7 октябрьгә каршы төндә шә-һәрнең Ямашев урамындагы бер йорт каршыннан чуен һәм металл торбалар югалуын хәбәр итәләр. Каракларның шәхесе билгеле.
1943 елгы ир-атның 1 октябрьгә каршы төндә авылдашы өенә рөхсәтсез кергәне ачыклана. Ул веранда ишегенә эленгән йозакны каерып ачкан. “Чакырылмаган кунак”ка карата җинаять эше кузгатылды.

20 октябрь көнне ике хокук бозу аркасында да ир-егетләр каза күрә. Беренчесендә 1990 елгы хатын-кыз иренең күкрәгенә пычак белән кадый. Икенче очракта 1998 елгы балигъ булмаган кыз буалы ир-атның банкоматтагы исә-беннән 6 мең сум акчасын урлый. Яшүсмер кыз алдан ир кеше йоклаганда аның банкомат карточкасын чәлдерә.

21 октябрь иртәсендә шә-һәрдә, “Буа” җәмгыяте бинасы каршында ир-атны талыйлар. Җинаятьченең шәхесе билгесез.

25 октябрьдә полицейскийлар 1966 елгы ир-атта марихуана табып алалар.

27 октябрь криминаль вакыйгаларга бай – 1994 ел-гы ир-ат шәһәрнең “Кайнар ипи” кибетеннән акча һәм товар, “ВАЗ-21093” автомобиленнән җиһазлар урлый, 1986 елгы ир-ат авыл өенә рөхсәтсез кергәне өчен гаепләнә.

28 октябрьдә 1968, 1981 елгы ир-атлар авылдагы бер шәхси хуҗалыкның гаражына кереп автомобиль-гә запас частьләр һәм аңа кирәк-яраклар урлыйлар.

30 октябрь көнне кич 1978 елгы хатын-кыз шәһәр-дәге бер йортка законсыз керә.