Җирле тапшыруларны карыйсызмы

2014 елның 26 ноябре, чәршәмбе
26 ноябрьдә Бөтендөнья телевидение көне. Ул мәгълүмат алу рейтингы баскычында Интернеттан кала икенче тора. Форсаттан файдаланып, газета укучыларга сорау бирдек: “Җирле тапшыруларны карыйсызмы?”.
Юрий МАРТЬЯНОВ, пенсионер:
- Җирле телевидение тапшыруларын даими карап барырга тырышабыз. Биг-рәк тә сугыш, хезмәт ветераннары, танылган шәхесләребез, уңган-булган кешеләребез, 50-60 ел тату гомер итүче парлар турындагыларын яратабыз. Бәлки үзебез өлкән яшьтә булгангадыр. Ә чынлыкта андый тапшырулар яшьләр үрнәк алсын өчен дә кирәк. Районда булган вакыйгалар белән дә кызыксынабыз, чөнки алар безнең тормышыбызны чагылдыра. Шөкер, районда соңгы вакытларда шәһәрне төзекләндерү буенча күп эшләнә, милли мәсьәләләргә игътибар бирелә, ә без төрле милләт халыклары дус-тату гомер кичерәбез. Татарстанның көче – халыклар бердәмлегендә. Шушы мәсьәләләрнең барысын да яктырткан тапшырулар атнага ике тапкыр гына түгел, күбрәк булсын иде.
Раил САДРИЕВ, Буа театры директоры:
- Буаның үз телевидениесе булу бик яхшы. Аны алга таба аның  Идел аръягы районнарына да трансляцияләрлек дәрәҗәдә үсүен телим. Кызганыч, әлегә аны үзебезнең районда да барысы да карый алмый. Телевидение хәзерге заманда глобаль эшләр башкарырга сәләтле тармак. Тапшыруларга килгәндә эшләнеп җиткерелмәгән нәрсәләр күп. Җирле тапшыруның максаты, йомгагы булырга тиеш. “Хәбәр-ләр” тапшыруында да актуальрәк темаларга  анализ кирәк. Хәбәрчеләрнең хез-мәт кешеләре, юбилярлар, үрнәк гаиләләр турында тапшырулары бик уңышлы килеп чыга. Эшләмәгән ке-ше генә хаталанмый, дияргә яратам мин. Уңышлар телим.
Әнисә ВӘЛИЕВА, хуҗабикә:
- Кызганыч, җирле тапшырулар программаларын техник сәбәпләр аркасында районның барлык авылларында яшәүчеләр дә карый алмый. Без “Буа дулкыннары”н карый алуыбыз белән бәхетле. Хезмәткәр-ләр үз вазифаларын төгәл үтәргә тырышалар. Әмма яшьләр өчен тапшырулар, газетадагы кебек төрле оешма җитәкчеләре белән “түгәрәк өстәл”ләр, очрашулар үткәрелсә, яхшы булыр иде. Ярты сәгатьлек тапшырулар вакытында боларны эшләп булыр иде.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International