Бердәм дәүләт Имтиханнары ел саен үзгәрә

Унберенчеләр инде икенче атнада ук беренче имтиханны тапшырачаклар, ягъни 3 декабрьдә инша язачаклар. Йомгаклау иншасының нәтиҗәсе – зачет, ул укучыга алда торган бердәм дәүләт имтиханнарына юллама бирәчәк. Уңай билге ала алмаганда, аны сынаулар башланганчы февральдә һәм апрель-майда кабат тапшыру мөмкин. Быел әлеге имтихан чыгарылышларның үз мәктәпләрендә, ә киләсе елдан барлык башка фәннәрдән кебек бер мәктәптә, видеокүзәтүләр астында узачак.
Район мәгариф идарәсенең өлкән методисты Илсур Хәсәнов әйтүенчә, узган атнада унберенчеләр үзләрен инша язуда сынап карадылар инде. Укучыларның 90 проценттан күб-рәге зачет алдылар. 3 декабрьдә үтәчәк иншада 5 тематик юнәлеш булачагы билгеле. “Бөтен Россия юк-ка гына хәтерләми” (М. Ю. Лермонтовның 200 еллык юбилеена), “Кешелеккә сугыш тарафыннан бирелгән сораулар”, “Үзебез һәм чит ил әдәбиятында кеше һәм табигать”, “Буыннар бәхә-се: бергә һәм аерым”, “Кешеләр ни белән яши” юнәлешләре буенча иншалар темалары биреләчәк.
Үзгәрешләр моның белән генә төгәлләнми әле. Моңа кадәр БДИне өч – алдан, төп һәм өстәмә дулкында бирү мөмкин булса, 2015 елдан икегә – 23март-18 апрель (алдан) һәм 25 май-5 июнь (төп) айларында тапшыруга гына калдырыла. Теләсә кайсы предмет буенча имтиханны алдан һәм төп чорда бирергә теләүчеләр гаризаны ки-ләсе елның 1 февраленә кадәр язарга тиешләр. Урта һәм башлангыч һөнә-ри белем бирү учреждениеләрендә укучы узган еллар чыгарылышлары һәм чит илләр гражданнары гаризаны мәгариф идарәсенең муниципаль яисә региональ органына, мәктәп-ләрнең быелгы чыгарылышлары уку урыны буенча язалар. Ә рус теле һәм география буенча алдан 14 февральдә үтәчәк БДИдә катнашуга гаризаны быелның 1 декабренә чаклы язу һәм теркәлү мәс-лихәт. Әлеге предметлар буенча имтиханны узган еллар чыгарылышлары, Россиядән читтә белем алучылар һәм шулай ук география буенча 11 сыйныфта укучылар тапшыра ала. Соңгысы әлеге предмет буенча укыту 10 сыйныфта төгәлләнү белән бәйле. Аларга бары барлык предметлар буенча еллык билгеләренең канәгатьләнерлектән түбән булмавы шарт итеп куела.
Предметларга килгәндә, математика буенча БДИ ике дәрәҗәле: база һәм профильле булачак. Беренчесе – аттестат алу өчен, икенчесе – математика буенча нәтиҗәләр исәпкә алынучы юнәлеш-ләр буенча укырга керү өчен конкурста катнашу өчен кирәк. Аларга контроль-үлчәү материаллары да, тапшыру көннәре дә аерым булачак. Рус телен-нән инша-эссе саклана, әмма җаваплары сайлап алына торган биремнәр алына, аларны үзеңә язарга туры киләчәк. Башка фәннәр буенча да җавапларны сайлау белән бәйле биремнәр кыскартылачак. Чит телләр буенча имтихан тапшыручы югары баллга өметләнгәндә, аны язмача гына түгел, телдән дә тапшырырга тиеш булачак. Язмачасы 80, телдәне 20 баллга кадәр бәяләнә.
Бердәм дәүләт имтиханнары тапшыру расписаниесе һәм предметлар буенча минималь баллар да билгеле. Рус теле, физика, химия, биология буенча ул 36, географиядән – 37, җәмгыять белеменнән – 42, информатикадан – 40, рус әдәбиятыннан – 32, математикадан – 27, чит телләр буенча 22 баллга тиң. Уңышлар телибез!