Уңганга кара көздә дә эш бетми

2014 елның 5 декабре, җомга
“Кадыйров” фермер хуҗалыгы кырларында әле дә техника гөрелтесе тынмаган. Юк, кыр эшләре соңга калу түгел, ә иртәгәсе өчен тырышу, җирне ярату сәбәпче моңа.
Җир туңгач ни майтарып була инде, дисезме. Була икән шул. Үз күзләрем бе-лән күрдем: Түбән Наратбаш авылы янындагы тимер юлга якын кырның бер читендә тракторлар тыз-быз чабып кына торалар. Сазлыклы урыннарга дефекат ташыйлар. Анысы да шул ук кырда гына.  Моннан егерме еллар элек туфрагы алынып, аның урынына өелгән дефекат ул. Экскаватор төяп тора. Берочтан кырлар чүп үлән-нәреннән, тәртипсез үскән агачлардан да арындырыла.
- Безнең фермер хуҗалыгы 2008 елда оешты. 2000 гектарга якын җиребез бар. Ел саен кырларны чистартабыз, уйсу, сазлыклы урыннарга туфрак ташып тигезлибез. Уңыш алу гына түгел, җирне карап тоту да безнең бурычыбыз бит. Шул рәвешле өстәмә 70 гектарлап мәйданны эш-кәртә алырлык торышка җиткердек инде. Быел көз-нең болай озак һәм коры килүе  өчен файдага гына булды. Көзге кыр эшләрен дә иртә тәмамладык, әлеге максатта да шактый күләм-ле хезмәт башкардык. Үзебезнең 10-15ләп техникабыз бар, кайчагында шә-һәр оешма-предприятиеләренә дә ярдәм сорап мө-рәҗәгать итәбез,- ди фермер хуҗалыгы җитәкчесе Фәнил Кадыйров.
Менә шундый уңганнар булганда туфракның уңдырышлылыгы кимемәс, җирләребез караучысыз калмас.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International