Туган нигезе көч бирә

Бүген Россиядә Ватан геройлары көне билгеләп үтелә.
Бу уңайдан районда яшәүче бердәнбер исән Социалистик Хезмәт Героен – Адав-Толымбай авылында яшәүче Александра Николаеваны муниципаль район башлыгы Азат Айзетуллов тәбрикләде.

- Сез районыбызның тере легендасы. Бөек Ватан сугышы елларында Сез җи-тәкләгән бригаданың тылда ирешкән хезмәт батырлыклары, хуҗалыкны ныгытудагы һәм җитештерүне үстерүдәге уңышлары безнең өчен үрнәк. Килә-чәктә сезгә саулык, шатлыклар, һаман да безне шулай сөендереп яшәвегезне телибез, - диде ул. Александра Ивановнага шундый ук теләкләрне район башкарма комитеты җитәкчесенең социаль мәсьәләләр буенча урынбасары Лилия Садретдинова, халыкны социаль яклау бүлеге начальнигы Лә-лә Камалова, район хәрби комиссары Радик Төхфә-туллин һәм башкалар җиткерделәр.

Аннан герой әби кызы Ал-су, социаль хезмәткәр Чулпан Измайлова белән берлектә әзерләгән сый-нигъ-мәт тулы табын янына чакырды. Соңгы елларда сә-ламәтлеге какшауга карамастан, ул кунакларны аяк өстендә басып чәй белән сыйлады.
- Туган нигезем көч бирә миңа. Әле яхшы йөрим. Тавыклар да карыйм, - дип елмайды Александра Николаева кунакларын озатканда.