Балалар коррупциягә каршы
2014 елның 10 декабре, чәршәмбе
Район башкарма комитетының коррупциягә каршы көрәш комиссиясе инициативасы буенча оештырылган әлеге чара укучыларда хокук белемен һәм социаль грамоталылыкны үсте-рү максатын куйды.
Муниципаль район башлыгының беренче урынбасары Илдар Еремеев бәйгегә килгән укучыларга уңышлар теләп, коррупция бе-лән уеннарда гына очрашырга булсын, дип теләде. Аннан соң муниципаль район башлыгының коррупциягә каршы көрәш мәсьәләләре буенча ярдәмчесе Зөлфия Шәйхаттарова конкурслар шартлары белән таныштырып, аларга старт бирде. Уеннар 8 этаптан торды. Гади-рәк сорауларга җавапларны бик тиз тапсалар да, коррупция белән бәйле башваткычларда шактый уйланырга туры килде. Ә менә әлеге теманы ачып бирүче сценка күрсәтүдә, һәйкәл образына керүдә, реклама тикъдим итүдә конкурсантлар бер-берсен уздырды. Уеннарны оештыручылар – мәктәптән тыш эшләр үзәгенең балалар оешмалары белән эш-ләү буенча методисты Светлана Мельгунова бе-лән мәгариф бүлегенең тәрбия эшләре буенча методисты Наталья Македонская хөкем итүдә бер нәр-сәне дә күз уңыннан ычкындырмадылар. Кайбер хокук белән бәйле конкурсларны шәһәр прокуроры ярдәмчесе Ришат Гыйззәтуллин һәм эчке эшләр бү-легенең эксперт-криминалисты Илдус Сәлахов бәяләделәр. Командаларның дивар газеталары арасында. Р. З. Сәгъдиев мәктәбе һәм М. Вахитов исемендәге гимназия укучылары ясаган эшләр аеруча эч-тәлекле иде.
Барлык нәтиҗәләр буенча иң күп баллны Р. З. Сәгъ-диев исемендәге урта мәк-тәп укучылары җыйдылар. Икенче урынны 5 номерлы мәктәп, ә өченчедә М. Вахитов исемендәге гимназия укучылары яуладылар. Барлык катнашучыларга истәлекле бүләкләр, ә җиңүчеләргә район башкарма комитетының Мактау грамоталары һәм кыйммәтле бүләкләре тапшырылды. Уеннар барышында командалар чыгышларын бәяләргә булышкан Социаль белем бирү академиясенең (Казан социаль-юридик институты) Буадагы филиалы студентларына да район башкарма комитетының Рәхмәт хатлары тапшырылды.
Зөлфия Шәйхаттарова уеннар соңында барысына да рәхмәт әйтеп, киләчәк-тә мондый чараларның тагын оештырылачагын белдерде.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз