Коррупция турында яхшы беләләр
2014 елның 10 декабре, чәршәмбе
.png)
Буа ветеринария техникумының II курс студенты Рафаэль Борһанов “Коррупциягә каршы закон сагында” республика видеороликлар конкурсында беренче урынны алды.
(64).png)
Рафаэль бу җиңүе өчен укытучысы Алла Низамовага һәм I, II курс студентларыннан торган иҗади коллективка рәхмәтле. Соңгылары 12 минутлык видеофильмда уйнадылар, костюмнар тектеләр. Ә Рафаэль күп тапкырлар кабатланган дубльләрнең иң яхшыларын җыеп монтажлады, көен, тавышын сайлап яздырды.
Хәзер аның буш вакытын иҗади эшкә багышларга җитди сәбәбе дә бар – бу конкурста җиңүе өчен аңа “Яңа гасыр” телерадиокомпаниясенең генераль директоры Илшат Әминов планшет бүләк итте.
- Аны һәрчак үзем белән йөртәм. Башымда кызыклы идеяләр туса, шунда ук теркәп куя алам, - ди җи-ңүче.
Ике укучы иншалар конкурсында уңышка ирештеләр. 1 номерлы мәктәптә белем алучы Раил Сөнгатуллин рус теле һәм әдәбиятыннан белем бирүче Фәния Мөхәммәтҗанова җитәкчелегендә 5-9 сыйныфлар арасында “Коррупциягә “Юк” дип әйтик” номинациясендә икенче урын яулады. М. Вахитов исемендәге гимназия укучысы Гөлия Юнысованың татар теле һәм әдәбияты укытучысы Рузинә Низамиева кул астында әзерләгән иншасы белән “Илем киләчәге – минем кулда” номинациясендә номинант булды.
Татарстан Республикасы Президентының коррупциягә каршы көрәш сәясәте мәсьәләләре буенча Идарәсе начальнигы Марс Бәдретдинов, Мәгариф һәм фән министры урынбасары Лариса Сулима, Иҗтимагый палата рәисе Анатолий Фомин һәм башка җитәкчеләр кулыннан бүләк алу һәм истәлеккә фотога төшү аларны яңа җиңүләргә рухландырды.
“Перспектива”да җиңделәр
Шәһәрнең сәләтле балалар өчен лицей-интернатының 8 “А” сыйныфы укучылары Эмиль Садуровтан, Камил Хәсәновтан, Рафаэль Мөхәммиевтан торган командасының “Татарстан Республикасы өчен инновацияле 50 иң яхшы идея” республика конкурсында катнашуын хәбәр иткән идек инде. Алар анда да җиңүгә ирештеләр.
(36).png)
Лицей-интернатлыларның физика укытучысы Лилия Ганиева җитәкчелегендә эшләгән “Татарстан республикасында биологик чүп-чарны энергетик яктан нәтиҗәле эшкәртү” дигән проектлары конкурсның “Перспектива” номинациясендә иң яхшысы дип табылды. 9 декабрьдә Казанда “Корстон” сәүдә-күңел ачу-мәдәни үзәгендә узган бүләкләү тантанасына егетләрнең берсен генә чакырдылар. Иптәшләре ан-да Эмиль Садуровны җи-бәрделәр. Акчалата премия, истәлек бүләкләре тапшырылу белән бергә әлеге конкурста җиңү өчен Татарстанның Мәгариф һәм фән министрлыгы тарафыннан киләчәктә югары уку йортларына керүгә тәкъдимнәр дә бирелә. Уңышлар юлдаш булсын!
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз