Ел да сагынып киләбез
2014 елның 17 декабре, чәршәмбе
Без – Буа җиреннән
Очрашу башланганчы күп-кә алдан килә башлаган кунакларны – төрле өлкә-ләрдә хезмәт куючы җи-тәкчеләрне, танылган шә-хесләрне, ак яулыклы апа-әбиләрне, түбәтәйле абый-бабайларны, урта буын вәкилләрен, яшьләрне-студентларны һәм буалыларны ихтирам итеп килүчеләрне рус, татар, чуаш җыр коллективлары дәрт-ле җырлары белән каршыладылар. Күпләр ишектән керә-керешкә аларга кушылып биеп җибәрделәр. Аннан авылдашларын, элеккеге сыйныфташларын, хезмәттәшләрен, танышларын күрергә ашыктылар. Тантана башланганчы фойе умарта иле ке-бек гөж килеп торды – кемдер хәл-әхвәл белешә, икенчеләре истәлеккә фотога төшә.
- “Якташлыкны” Сабан туен кебек зарыгып көтеп алабыз. Шулай иркенләп тагын кайда күрешәсең, матур концертны кайчан карыйсың, Буадагы яңалыклар белән танышасың?!- ди өлкән яшьтәге Зинаида Васильева.
Ә ел дәвамында яңалыклар шактый җыелган – районның бүгенге тормышы, игенчелектә, терлекчелек-тә, җитештерүдә ирешкәннәре, киләчәккә планнары турында фильм күрсәтелде. Аннан сәхнәгә күтәрел-гән “Буа якташлыгы” җәм-гыяте президенты Ирек Закиров иң элек икенче ел рәттән әлеге залда очрашуны бүләк иткән Янтуган авылында туып-үскән “ТАИФ” ачык акционерлык җәмгыяте генераль директорының беренче урынбасары, директорлар Советы рәисе Рөстәм Султиевка һәм барлык оештыручыларга, катнашучыларга рәхмәтен җиткерде. Быелгы очрашуның Мәдәният елы, Бөек Җиңүнең 70 еллыгы лозунглары астында узуын ассызыклады. Буа данын еракларга тараткан язучы-шагыйрьләребезне, рәссамнарыбызны, фән эшлеклеләрен, династия-ләрне барлады. Ә алар бездә бик күп – Борһан Ша-һиди, Бакый Урманче, Шә-риф Хөсәенов, Ренат Харис, Әхмәт Рәшит, Ислам Әхмәтҗанов, Александр Калган, Владимир Ухли, Николай Дедушкин, Константин Петров, Гомәровлар, Ефремовлар, Зыятдиновлар, Марс Алиев...
Буа муниципаль районы башлыгы Азат Айзетуллов та кайда гына яшәсәләр, эшләсәләр дә буалылар белән горурлануыбызны белдерде:
- Сез барыгыз да шушы туфрактан. Ирешкәннәрегезгә шатланабыз, сезне онытмыйбыз, туган ягыгызга кайтуыгызны сагынып көтеп алабыз. Горурланырлык кешеләр районда да күп. Адав-Толымбай авылында гомер итүче Социалистик Хезмәт Герое Александра Николаева шуларның берсе. Яшьләр-гә нинди үрнәк ул! - диде. Үз чыгышында ул районда агымдагы елда башкарылган, киләсе елда планлаштырылган саллы эшләр турында сөйләде. Яңа мәк-тәпләр, балалар бакчалары, юллар – алар төзелгән-дә иң кечкенә авылда да тормыш дәвам итә.
Ә киләчәкне тагын үткәнен онытмаган “ясый”. Бөек Җиңүнең 70 еллыгы якынлашканда бу аеруча ачык чагыла. “Буа якташлыгы” вице-президенты Ислам Әхмәтҗанов, Татарстан Дәүләт Советы депутаты Ринат Гайзатуллин һәйкәл-ләр, төгәлрәге, аларны яңартырга, төзекләндерергә кирәклеге, Буа үзә-гендә яңасы торгызылуы турында сөйләделәр. Ә бу изге эшкә өлешне бүген һәркем кертә ала. Моның өчен махсус счетлар ачылган.
Буа артистлары сәхнә тотты
Аннан буалыларның матур концерты башланды. Тантананы алып баручылар Нурия Гайнуллова белән Рөстәм Әхмәдуллин сәх-нәгә бер-бер артлы җырчыларны-биючеләрне, өл-кәннәрне-яшьләрне чакырдылар. Ветераннарның рус хоры җырлары белән сугыш елларына “алып кайтты”, мәдәният хезмәткәр-ләренең “Уяв” төркеме чу-аш, Күл Черкененең “Өм-мегөлсем”е татар йолаларын яңартты. “Гольфстрим”, Буа электр челтәрлә-ре, эшче яшьләр, “Альянс” дәртле биюләре көчле алкышларга күмелде. Җырчылар да кимен куймады – ветеринария техникумының “Буа егетләре”, 2 номерлы сәнгать мәктә-бенең “Шатлык нуры” ансамбльләре, Иске Суыксудан Равил абый Җамалетдинов, Буадан Виктор Моисеев, Фроловодан Олеся Васина, Буа дәүләт драма театры артистлары Ильяс Киньягулов, Илфир Солтанов – һәрберсе кабатланмас. Татар сәхнәсендә танылган Динә һәм Рафаэль Латыйповлар, Рәшидә һәм Сәйдәш Хәсәнҗановлар да матур җырларын бүләк иттеләр. Фәрит Садриевның һәм Илдар Нуруллинның баянда, Мария Петрованың скрипкада уйнавы беркемне дә битараф калдырмады. Буа театры директоры Раил Садриев мә-зәк сөйләп көлдерде дә, мәгънәле шигырьләре бе-лән уйланырга да мәҗбүр итте. Концерт барышында сәхнәгә, кем әйтмешли, үзе генә дә ни торган Татарстанның халык шагыйре, Россия дәүләт премиясе лауреаты Ренат Харис та күтәрелде. Ул үзенең очрашу көне иртәсендә ге-нә туган шигырен укыды. Аның шигырьләренә язылган җырлар да яңгырады ул кичтә. Аларны Рамилә Шәрәфетдинова,Казан шәһәре консерваториясе проректоры, Татарстанның атказанган сәнгать эшлеклесе, якташыбыз Ринат Халитов җитәкчелегендәге оркестрга кушылып районыбыз сандугачы Фәния Исхакова яңгыраттылар. “Туган тел” җырына бар тамашачы кушылды.
- “Йолдызлар” бер кырыйда торсын, Буа артистлары кайда да сынатырлык тү-гел. Ешрак килегез,- дип озаттылар безне якташлар.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз