Гомерлеккә “права”сыз калдырмакчылар

2014 елның 19 декабре, җомга
Россия Федерациясе Дәүләт Думасының Транспорт буенча комитеты автомобильче исерек килеш үлем белән очланган юл-транспорт һәлакәте сәбәпчесе булса, аны гомерлеккә йөртүче хокукыннан мәхрүм итәргә тәкъдим итте. Моннан тыш, һәлак булучының якыннарына зыян китергән өчен компенсация түләргә акчасы булмаса, гаепленең автомобиле һәм башка мөлкәте дә конфискацияләнә. Әлеге яңалык Россия Федерациясе Җинаять кодексының 264 маддәсенең 4 бүлегенә үзгәреш буларак кертелергә мөмкин. Бу катгый җәза турында газета укучыларыбыз ни уйлый?
Семен ВЛАСОВ, район ЮХИДИ бүлекчәсенең юл хәрәкәтен оештыру буенча дәүләт инспекторы:
- Мин шәхсән мондый җәза күптән кирәк дип уйлыйм. Авызын тыя алмаучы автомобиль йөртүчеләр аркасында күпме гомерләр өзелә бит. Иң аянычы шул: андыйлар әйткәнне аңламый. Эш тәҗрибәмнән чыгып әйтәм: исерек килеш ДТП ясаучылар, “права”ларын яңадан алгач бу хәлне тагын бер кат кабатлыйлар. Моннан сорау туа: нишләп аларга кабат йөртүче таныклыгын бирергә соң?
Дмитрий ВОЛОДИН, эшче:
- Салган баштан, автомобильгә утыручы ул потенциаль үтерүче инде. Мин исерек килеш берничә тапкыр ЮХИДИ хезмәткәренә эләгүченең авария ясаганчы ук “права”сын тартып алыр идем. Нигә начар финалны көтәргә?
Юрий ИВАНОВ, автомобиль йөртүче:
-Бигрәк каты җәза. Кеше ялгыша да бит. Һәрбер хата өчен шулкадәрле җәза бирсәләр нәрсә була инде ул аннары? Болай да штрафларны ел саен күтәреп торалар. Мәсәлән, 30 мең сум штрафы та безнең кебек гади кеше өчен күп ул. Минем дустым бер тапкыр исереп эләккән иде, кредит алып түләде. Сүз дә юк, автомобильчеләргә дә юл кагыйдәләрен бозарга ярамый, үзем дә машина йөртәм бит. Без бер-беребезгә юлда комаучауламаска тиеш. Ләкин шулкадәр авыр җәза бирү дә дөрес түгел.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International