Кәҗәнең мәхәббәтен яуларга

2014 елның 26 декабре, җомга
Дуслар, Зәңгәр Кәҗә (Сарык) елы якынлаша. Аның стихиясе – агач. Ләкин бу 2015 елны каршылаганда агач бизәнү әйберләре генә тагып, зәңгәр күлмәк кенә киеп куярга дигән сүз түгел.
Нинди
күлмәк белән?
Киемнәрдә зәңгәр-яшел, бүген бик популяр булган кипарис, ачык кобальт төс-ләр гаммасыннан тыш, шә-мәхә төсмерләрне дә кыю кулланырга була. Кәҗә (сарык) елы палитрасына баклажан, лаванда, слива төс-ләре дә керә. Шулай ук Сезне зәңгәрсу, диңгез, үлән, малахит, нефрит, зө-бәрҗәт, фирәзә төсендәге күлмәкләрдән ел хуҗасы тәгаен күреп алачак. Әл-бәттә, аның “туган” төслә-ре турында да онытырга ярамый – ак, кара, соры, сөт, көрән төсләр Кәҗә (Сарык) күңеленә бик хуш киләчәк. Җәмәгать, тагын бер мөһим нәрсә: Яңа ел костюмының, күлмәгенең тукымасы йомшак һәм ясалма булмаган материалдан булсын, әйтик, бәрхеттән, замшадан, кә-шемирдән яисә нәфис йоннан, трикотаж да ярап куя. Ә синтетиканы Кәҗә (Сарык) яратмый.
Астрологлар Кәҗәдә артист натурасы күрәләр, шул ук вакытта ул уенчык хайван. Шуңа күрә дә Яңа ел күлмәгенең фасоны никадәр оригиналь булса, шулкадәр яхшы. Теләсә кайсы модель бара – трикотаж тукымадан элегант күлмәк тә, ярым үтә күренмәле ымсындыргыч кием дә, мини да, купшы макси да ярый. Артык чуар күре-нүдән генә сакланыгыз. Кәҗә тәртипкә бик таләп-чән булмаса да, бар нәр-сәдә гармония ярата.
Ничек бизәнергә?
Бизәнү әйберләре агачтан гына түгел, көмештән, алтыннан булса да әйбәт. Ә аларга яшькелт һәм зәң-гәрсу төсләрдә асылташлар сайлагыз. Янтарь һәм кара энже идеаль туры ки-ләчәк.
Хушбуйларның бары тик чәчәк исе килгәннәрен сибегез. Маникюр, макияжлар һич тә кычкырып тормасын. Ә башта зәвыклы “тәртипсезлек” оештырырга мөмкин. Чәчләрне койрык ясап кыстырып куярга, үрергә дә ярый, вак һәм эре бөдрәләр дә яраячак.
Табынга
нәрсә куярга?
Кәҗә елын каршылаганда табында күп итеп яшелчә салатлары, сырдан кабымлыклар, кош итеннән ризыклар булырга тиеш дип саныйлар. Ә 2015 елны көткәндә фольгага төреп пешерелгән бәрән аягы һәм яшелчә шашлыгы  һәр табында булырга тиеш. Салатларда сельд балыгы турында онытмагыз. Әй-тик, “Тун астында сельдь”, яисә рулет итеп төрелгән сельдь. “Оливье”ны казылык урынына ит яисә кальмар салып яңартырга бу-ла. Сыр, эремчек белән салатлар һәм камыр азыклары ел хуҗасын сөендерә-чәк. Кәҗә ясалма ризыкларны өнәми. Яңа ел менюсына ярымфабрикатлар, консервланган азыклар кертергә тырышмагыз.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International