Буа муниципаль районы

Автоутыргыч форма өчен генә түгел

2014 елның 26 декабре, җомга

“Бала – төп пассажир!”. Әлеге исем астында узган профилактик операция барышында ЮХИДИ хезмәткәрләре әти-әниләргә балалар иминлегенә карата шундый караш тудырырга тырыштылар.
Район ЮХИДИ бүлекчәсенең административ законнарны башкару буенча өл-кән инспекторы Наил Гайнуллин, юл-патруль хез-мәтчелегенең өлкән инспекторы Александр Маляшов алдан шәһәрнең Ефремов урамын патрульләделәр. Автотранспорт агымы хәйран. Егетләрнең күз чыныккан: юл йөрү кагыйдәләрен бозучыларны әл-лә каян күреп алалар һәм туктаталар. Кыска гына вакыт эчендә берничә иминлек каешын каптырмаучы “эләкте”. Җиденче модельле автомобиль салонында сабый өчен автоутыргыч бар, ләкин бала әни кулында бара. Кисәтү ясагач, әти дә, әни дә баланың утыргычны өнәп бетермәве турында “әкият сөйләделәр”:
- Бала еласа, тынычландырырга була, юл һәлакәтендә яраланса, бөтенләй-гә югалтсагыз, нишләрсез? - дип, инспекторлар өлкән-нәрне шелтәләп, ваемсыз әтигә карата беркетмә тутырдылар.
Рейд шәһәрнең “Алтын-чәч” балалар бакчасы янында дәвам итте. Ян-ягына “ДПС” дип язылган автомобильне күрүгә каушап калучы йөртүчеләр дә бар. Кайберләре зерәгә шүрләмәгәннәр булып чыкты. Кара төстәге “Калина” хуҗасын туктаткач, ул берөзлексез ашыгуы турында кабатлады. Ник кабалануы сере соңрак ачыкланды. Әти кеше баласын махсус утыргычка утырткан, әмма каешын эләктереп тормаган.
- Бала автоутыргычка беркетелмәгәч, аның булуының нинди файдасы бар? Һаман ашыгам дисез, улыгызның иминлеге өчен 5 минут вакытыгыз жәлме? - дип ачуланды Александр Маляшов. Нәтиҗәдә әти кеше, штраф кәгазен тотып, баласын бакчага алып кереп китте.
Чираттагы уникенче модельле “Жигули” хуҗабикә-се дә нәкъ шундый гаеп бе-лән туктатылды.
- Мин монда якында гына торам. Өйдән чыктым гы-на, - дип акланды әни. Андыйларга Александр Маляшовның җавабы кыска:
- Мин сезне ишегалдында туктатмадым, юлга чыккансыз икән, гомуми кагыйдә-ләргә буйсынырга кирәк, - диде ул. Шулай итеп өченче йөртүче дә административ җаваплылыкка тартылды.
Рейдтан соң шундый нәти-җәгә килдек: кайбер ваемсыз өлкәннәр өчен автоутыргычлар салон атрибутына гына әверелгән. Лә-кин алар булган өчен генә инспекторлар да, юл да ташлама ясамый.
Балаларны автоутыргычсыз сәфәргә алып чыгу буенча быел унбер айда районда 281 беркетмә тутырылган.
auto.prokazan.ru сайты хәбәр итүенчә, Бөтендөнья сәламәтлек саклау оешмасы мәгълүматлары буенча балаларны тотып калучы җайланмалар сабыйларның юл-транспорт һәлакәтендә һәлак булу очракларын 54 процентка, тән җәрәхәтләре алуны – 76, авыр яралануларны 92 процентка киметергә тиеш. Канадада автомобильнең махсус бишеге булмаса, сабыйны бала тудыру йортыннан алып чыгарга рөхсәт ителми. Финляндиядә такси хезмәтчелегенә мөрәҗәгать иткән ата-анадан, әгәр баласы утырып барса, аның яшен, гәүдә авырлыгын сорыйлар. Такси туры килүче автоутыргыч белән килә. Австралиядә имгәнүдән саклану йөзеннән автомобильдә бала да, салондагы барлык җиһазлар да эләктерелә. Баласын махсус утыргычта йөртмәгән автомобиль йөртүчеләрдән Германиядә 40 евро, Англиядә 500 фунтка кадәр, Россиядә 3 мең сум штраф түләттерелә.

Оценить материал и/или оставить мнение

БАРЛЫК ЯҢАЛЫКЛАРНЫ УКУ