Буа муниципаль районы

Буада чыршыларны ачу вакыты билгеле

2014 елның 26 декабре, җомга

30 декабрьдә 15.00 сәгатьтә шәһәрнең Буа элеваторы территориясендәге, 15.30 сәгатьтә вокзал каршындагы мәйданда, 16.00 сәгатьтә шикәр заводы паркындагы, 16.30 сәгатьтә Яшьләр паркындагы чыршылар утларын кабызачак. Үзәк парктагы чыршыны ачу тантанасы 31 декабрьдә 17.30 сәгатьтә башлана. 18.00 сәгатьтә бәйрәм фейервергы була.
Һәр кич алтыда – паркларда
Яңа ел-искечә Яңа ел бәйрәмнәре арасында иң зур җанлылык, җыр-бию, уеннар шәһәрнең Үзәк һәм Яшьләр паркларында булачак.
Бәйрәм тамашалары 31 декабрьдә старт ала. Үзәк парк-та район мәдәният сарае үзешчәннәре зур концерт күрсәтәчәк. 1 гыйнварда Яңа Тинчәле, Яңа Чынлы, Күшке, 2сендә – Түбән Наратбаш, Алших, Теңкәш, Нурвахит, 3 гыйнварда – Иске Суыксу, Карлы, Кыят, Рус Киштәге, Яшевка, 4ендә Кайбыч, Югары Наратбаш, Норлат, Зур Фролово, Каенлык һәвәскәрләре чыгыш ясаячак. 5ендә эстафетаны Исәк, Әлки, Боерган, Иске Борындык, 6сында – Югары Лашчы, Тутай, Чуаш Аксуы, Татар Аксуы җырчы-биючеләре кабул итеп алачак. 7 гыйнварда – Раштуа кичендә халыкны Яңа Чәчкап, Әхмәт, Кыр-Тәүгелде, Чуаш Киштәге, Таковар клублары хезмәткәрләре “җылытачак”. 8 гыйнварда Адав-Толымбай, Бик-Үти, Аксу, Мөкерле, Ямбулат, 9ында – Килдураз, Өчмунча, Казма, 10ында Күл Черкене, Әхмәт электромеханика заводы клубы, Ырыңгы, Чурак, Татар Буасы “артистлары” чыгыш ясаячак. 11-12 гыйнварда чыгышларын Иске Тинчәле, Яңа Шәйморза, Әлши, Раково, Янтуган, Вольнистан, Кырык Садак, Шәмәк, Иске Мәртле һәвәскәрләре тәкъдим итәчәк. 13 гыйнварда бәйрәмне иң оста мәдәниятчеләр төгәлли.
Яшьләр паркында 31 декабрьдән башлап 1 номерлы сәнгать мәктә-бе, үзәк китапханә, Ял үзәге, Р.З. Сәгъдиев исемендәге мәктәп, 2 номерлы лицей, 1, 5 номерлы мәктәп-ләр, М. Вахитов исемендәге гимназия, ветеринария техникумы, 2 номерлы сәнгать мәктәбе, лицей-интернат, КСЮИ, медицина училищесы “артистлары” чыгыш ясаячаклар һәм 13 гыйнварда концерт шулай ук иң яхшы номерлардан төзе-ләчәк.
Тамашалар һәр көнне 18.00 сә-гатьтә башлана.

Оценить материал и/или оставить мнение

БАРЛЫК ЯҢАЛЫКЛАРНЫ УКУ