Тырышып эшләсәң була

“Бола” агрофирмасында агрофирманың директорлары, зооветеринария белгечләре катншында семинар-киңәшмә узды.

Аны муниципаль район башлыгы Азат Айзетуллов алып барды. Район терлекчеләренең еллык эшчәнлегенә йомгак ясалды, киләчәккә планнар билгеләнде. Узган ел белән чагыштырганда сөт җитештерү 15, дәүләткә сату 20 процентка артык тәшкил итте.
Мөгезле эре терлекләрнең баш саны 1 мең башка якын артты. Район буенча һәр сыердан уртача 5918 килограмм сөт савылды.










-Без әлеге күрсәткечләргә урыннардагы җитәкчелек, белгечләрнең эшен белеп оештыра белүе, терлекчеләребезнең үз вазифаларын зур тырышлык белән башкарулары нәтиҗәсендә ирештек. Якынлашып килүче 2015 ел белән һәммәгезне дә тәбрик итәм, гаилә иминлеге, озын гомер, сәламәтлек һәм тагын да зур уңышларга ирешүегезне телим, - диде Азат Касыйм улы.