Юбилейга макет әзер

2015 елның 23 гыйнвары, җомга
Юбилейлы бәйрәмгә картлар һәм инвалидлар өчен интернат йортта яшәүче Тәүфыйкъ абый Галиуллин үзенчә әзер-ләнде – шәһәр үзәгенең киләсе 9 Майны каршылагандагы күренешен макетка төшерде.
“Картлар йорты”ның хез-мәт терапиясе бүлмәсе тү-рендә тора эше. Макетта шәһәр үзәген шунда ук танып аласың – пьедесталда ике сугышчан машина янә-шә тора. Танкларны автор уенчыклар кибетеннән сатып алган. Дөрес, шуннан арысында ул үзенә иҗат итәргә ирек биргән. Каты кәгазьдән мәңгелек ут “яна”, аны солдатлар саклый. Үрә каткан каравылчыларны, ни эзләсә дә, та-ба алмаган Тәүфыйкъ абый, пластмасса хәрби-ләрнең икесе дә һөҗүмгә әзерләнгән, кулларында – корал. Мәңгелек ут алдына венок салынган, һәлак булганнарны данлап чә-чәкләр утыртылган.
- Әтием Миңнегали фронт-тан яраланып кайтты, контузия алган иде. Бертуган абыем Сәетгәрәй, әнием сугыш елларында авыр хезмәт башкардылар. Мин бу макетны аларга, сугышта үлеп калган авылдашларыма багышладым, - ди Тәүфыйкъ абый.
Картон макетның авторы һөнәре буенча сызымчы да, инженер да түгел, гади балта остасы. Кулы белгән хезмәт белән Адав-Толымбай авылында гомер ит-кән. Булачак эшенең дә бернинди сызымы юк, үзе әйтмешли, барысы да “башта”. Ә куллар ул “кушканны” эшлиләр.
Тәүфыйкъ абыйның картон “экспонатлары” тагын да бар. Апасы Фәйрүзәгә кунакка баргач Яңа Суыксу авылында мәчеткә игътибар иткән иде. Кайткач аның макетын картоннан “әмәлләп” куйды. Аннары шушы юбилейлы бәйрәм-дә шәһәр үзәге макеты “ту-ды”. Соңгы эше – авыл йорты.
- Мондый йортны кайда күрдегез? – дип сорыйм Тәүфыйкъ абыйдан.
- Адав-Толымбайда үзем салган йортларның берсе бу. Бакчасы гына макетта матуррак, - ди автор. Нәр-сә генә юк йорт ишегалдында, җыйнак кына сарай, мунча, бакча, эт, бәб-кәләр, чәчәкләр!
-Сыер җитми анда, берсе китерәм, дип вәгъдә иткән иде, көтәм, - дип елмая үз эшеннән канәгать Тәү-фыйкъ абый. Автор инде киләсе эшенә дә “мая са-ла” – материал җыя. Анысы, сер итеп кенә әйтәм, үзе яши торган картлар һәм инвалидлар өчен интернат-йортның макеты булачак.
Кызганыч, әлегә макетларны күрү һәммә кешегә насыйп түгел, әмма өметне өзмәгез. Картлар һәм инвалидлар өчен интернат-йорт хезмәткәре Резеда Мөхәммәтҗанова, мөмкин булса, Тәүфыйкъ абыйның эшләреннән туган якны өйрәнү музеенда кечкенә генә булса да, күргәзмә оештырыга хыяллана. Автор исән булып, булачак экспонатлар өстендә  эш кенә тукталмасын...
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International