Терлекләрне күбәйтергә

2015 елның 25 феврале, чәршәмбе
Татарстан Республикасы Авыл хуҗалыгы  һәм азык-төлек министрлыгының Президент Рөстәм Миңнеханов катнашындагы “2014 елда республикада агропромышленность комплексы үсеше йомгаклары һәм 2015 елга кризиска каршы төрле чаралар исәпкә алынып авыл хуҗалыгы җитештерүе нәтиҗәлелеген үстерү юллары” темасына багышланган киңәйтелгән утырышында мөгезле эре малларның баш санын арттыру бурычын куелды.

Безнең районда малларны кышлату чоры ничек дәвам итә? Яшь терлекләрнең сакланышы, сөт җитештерү күрсәткечләре ничек? Бер үк шартларда эшләүче хуҗалыкларның күрсәт-кечләре нигә төрлечә? Әлеге сорауларга җавапны берничә хуҗалык мисалында эзләдек.

Бездә 100 гектар авыл хуҗалыгы җирләренә 25 баш мөгезле эре терлек туры килә. Шул ук вакытта “Ак Барс Буа” агрофирмасының 1 номерлы филиалында 38, “Ямбулат”та – 35, “Коммуна” җәмгыятендә 29 баш туры килә. “Кыят” ААҖдә бу күрсәткеч 17, “Ак Барс Буа” агрофирмасының 3 номерлы филиалында 21 баш тәшкил итә.

Узган ел район буенча 100 сыердан 96 баш бозау алынса, “Ак Барс Буа” агрофирмасының 4 номерлы филиалында 81 баштан артмаган. “Бола” агрофирмасында ул 93кә тиң. “Коммуна”ЧҖҖ белән “Ямбулат” хуҗалыгы күпләргә үрнәк булып тора. Аларда 108әр бозау алынган. Малларның сакланышы да әйбәт. Сөт җитештерүдә “Коммуна”, “Ямбулат” хуҗалыклары, “Авангард” агрофирмасы лидерлар. Аларда һәр сыердан уртача 9276-7613 килограмм сөт савылды. “Ак Барс Буа” агрофирмасының 4 номерлы филиалында бу күрсәт-кеч 3882 килограммнан артмады. Бүгенге көндә һәр сыердан “Коммуна” җәмгыятендә тәүлегенә уртача 23,6, “Авангард” белән “Ямбулат”та 21,3әр килограмм сөт савыла. Хәзер сөтне сатып алу бәяләре дә начар түгел. “Кыят” ААҖ аның бер килограммын 23 сум 97 тиенгә, “Коммуна” – 23 сум 17 тиенгә, “Авангард”  21 сум 38 тиенгә реализацияли. Нә-тиҗәдә, “Коммуна”да көн саен кассага 167 мең сум, “Авангард”та -  113 мең сум акча керә.

– “Авангард”та малларның баш санын арттыруга, технология таләпләрен төгәл үтүгә игътибар бирелә. Терлекләр балансланган рацион буенча ашатыла. Дирекция тарафыннан кирәкле биопрепаратлар һәм төрле өстәмәләр үз вакытында алына, алар белән фән казанышларын кулланып эш итәләр, - ди авыл хуҗалыгы һәм азык-төлек идарәсенең терлекчелек бүлеге начальнигы Гөлнур Гыйбадрахманова.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International