“Зур су” очрагына хәстәрлек
2015 елның 20 марты, җомга
111 номерлы янгын часте начальнигы Расыйх Шәрә-фетдинов әйтүенчә, бу га-дәттән тыш хәл түгел һәм өйләренең, каралты-кураларының иминлеген беренче чиратта хуҗалар үзләре кайгыртырга тиеш-ләр. Моның өчен әллә нинди катлаулы эшләр майтарырга кирәкми. Нигездә тү-бәләрне, нигезләрне кардан вакытында арындыру, канаулар казу, җыелып торган суны ерып җибәрү, ул кермәсен өчен киртәләр ясау дә җитә. Ел саен су баскан очракта инде нигезләрне, уйсу урыннарны күтәртү, ныгыту мәслихәт. Ә бездә, гадәттә, киресен-чә килеп чыга. Кайберәү-ләр үз территорияләрен дә бу уңайдан карап тотмыйлар, шуның өстенә йорт каршыларындагы су агучы торбаларны чүп түгү урынына әверелдерәләр. Ә су баса башлагач, ярдәм сорап мөрәҗәгать итәргә тотыналар. Моны ваемсызлык, башкалар хезмәтен санга сукмау дими, ни ди-сең?! Янгын сүндерүчеләр-нең, коткаручыларның, “Буа МППЖКХсы (инженерлык челтәрләре)” җәм-гыяте хезмәткәрләренең вазифалары ишегалларыннан, идән асларыннан су суырту түгел.
“Буа МППЖКХсы (инженерлык челтәрләре)” җәм-гыяте директоры Айрат Яфизов сүзләренә караганда, алар үз бурычларына кергән хезмәтне башкарганнар инде. Шәһәр урамнарындагы су агучы торбаларны кардан, чүп-чардан чистартып чыкканнар, су юлын бүлү, киртә ясау өчен ком тутырылган капчыклар әзерләгәннәр. Ялгыз яшәүче өлкән кешеләрнең мөрәҗәгатьләрен дә кире какмаганнар – капка төпләрен кардан арындырганнар. Монда көрәк-ләрне дә, техниканы да эшкә җиккәннәр.
“Волгодорстрой” җаваплылыгы чикләнгән җәмгыятенең Буа филиалы җирле билгеләнүдәге юлларны карап тоту өчен җаваплы.
- Безнең карамакта су агучы күперләр һәм 291 торба исәпләнә. Аларның барысын да чистартып бетердек. Ком тутырылган капчыклар да, инертлы материал да, техника да әзер. Зөя елгасында су күтәрел-гәч, Килдураз, Немчиновка авыллары һәм элеккеге кондитер фабрикасы янындагы күперләр янында техника белән тәүлек дәвамында кизү торачакбыз. Су күтәрелә башлады. Килдураз күперенең култыксаларын төшереп куйдык,- ди директор Айрат Айзатуллин. Күперләр янында 1 номерлы зона эзләү-коткару отряды коткаручылары һәм 111 номерлы янгын сүндерү часте хезмәткәр-ләре дә моторлы көймә-ләр белән тәүлек дәвамында кизү торачаклар. Икенче бер юл хезмәтчелеге – “Татавтодор”ның Апас филиалының Буадагы участогында шулай ук ком тутырылган капчыклар хәстәрләнгән, су басу очрагына махсус техника белән авария бригадасы төзелгән.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз